"მანჩესტერ სიტის" ტალანტს "ბარსელონაში" დაბრუნება სურს
რამდენიმე დღის წინ გავრცელდა ცნობები, რომ "ბარსელონას" "მანჩესტერ სიტის" ამომავალი ვარსკვლავის, ერიკ გარსიას დაბრუნება სურს, BBC-ის ცნობილი სპორტული ჟურნალისტის, გილემ ბალაგეს ინფორმაციით კი, მშობლიურ კლუბში გადასვლის სურვილი თავად 19 წლის ფეხბურთელსაც აქვს.
ერიკ გარსიას "სიტისთან" მოქმედი კონტრაქტის ვადა 2021 წლის ზაფხულში იწურება. ბალაგეს ცნობით, "ქალაქელები" შიშობენ, რომ პერსპექტიულ ცენტრალურ მცველს მომავალ წელს უფასოდ დაკარგავენ, ამიტომ მათ "ბლაუგრანასთან" მოლაპარაკებები უკვე დაიწყეს.
იმავე წყაროს ინფორმაციით, კატალონიელებმა ფეხბურთელთან შეთანხმებას უკვე მიაღწიეს.
ერიკ გარსია "ბარსელონას" აღზრდილია. ესპანელმა უკანახაზელმა "ლა მასიაში" 9 წელი გაატარა, 2017 წელს კი ის ინგლისურ კლუბი გადაბარგდა. მან მიმდინარე სეზონში მონაწილეობა 13 შეხვედრაში მიიღო.
ამ სიახლეზე კომენტარები გათიშულია.
კომენტარები [ 5 ]