მირალემ პიანიჩი: "ბარსელონასთან" კონტაქტი ადრეც მქონდა
მირალემ პიანიჩი, რომელიც "ბარსელონას" მომდევნო სეზონში შეუერთდება, კატალონიურ კლუბში ტრანსფერზე საუბრობს.
"პირველი შთაბეჭდილება ძალიან პოზიტიურია. ტრანსფერზე საუბარი წლების წინაც იყო, "ბარსელონასთან" კონტაქტი მქონდა, ყველაფერი კი ახლა დასრულდა.
"იუვენტუსის" დატოვება მარტივი არ იყო, ეს ჩემთვის რთულია, მაგრამ თუ წავიდოდი, მხოლოდ ისეთ კლუბში, როგორიც "ბარსელონაა". ეს დიდი გამოწვევა და ჩემი კარიერის მწვერვალია.
"ბარსელონა" ყველა ფეხბურთელის ოცნებაა. შესანიშნავი კლუბია, მდიდარი ისტორიით. ასეთ პრესტიჟს ["ბარსელონაში" ყოფნა] მხოლოდ რამდენიმე ფეხბურთელმა მიაღწია. ჩემი მიზანი, "ბარსასთან" ერთად, რაც შეიძლება მეტი ტიტულის მოგებაა".
ბოსნიელს თანაგუნდელებსა და იტალიაში ცხოვრებაზეც ჰკითხეს.
"ისინი ჩემს სიხარულს იზიარებენ, თუმცა, მაინც, გული სწყდებათ, რომ მივდივარ. აქ, ტურინში ბევრი კარგი მეგობარი მყავს და ვეცდები, მათთან კავშირი სამუდამოდ შევინარჩუნო", - თქვა მან Klix-თან ინტერვიუში.
პიანიჩი მიმდინარე სეზონს "იუვენტუსში" დაასრულებას და ლურჯ-ბროწეულისფერ მაისურს სექტემბრიდან მოირგებს.
ამ სიახლეზე კომენტარები გათიშულია.
კომენტარები [ 3 ]