MD: ერთი გოლი ნეიმარის მაჩვენებლამდე
დიდი ხმაურია ატეხილი ანტუან გრიზმანის გარშემო და ასე გაგრძელდება მომდევნო მატჩამდე. მერე კი ან ახალი ტალღა წამოვა, ან სეტიენზე გადავა ყურადღება, რადგან თავად ჩაიგდო თავი ამ დღეში. ახლა მის გადაწყვეტილებას როგორც დაპირისპირებას ისე განიხილავენ, თუ გრიზმანს ძირითადში დააყენებს, ეს შეფასდება როგორც მარცხი, შეფასდება როგორც სუსტი მწვრთნელის გადაწყვეტილება, რომელმაც ზეწოლას ვერ გაუძლო.
თუ არ დააყენებს, დაძაბულობა იქამდე მოიმატებს, სანამ წასვლის შესახებ არ დააანონსებს, ან ერთი, ან მეორე, სხვანაერად წარმოუდგენელია, რადგან იმ ფეხბურთელზე ვსაუბრობთ, რომელშიც 120 მილიონი ევროა გადახდილი. თან ეს თანხა გაღებულია უკვე შემდგარ ფეხბურთელში და არა მის პოტენციალში.
გრიზმანს უკვე 14 გოლი აქვს გატანილი, ის კლუბის მესამე ბომბარდირია, მესის და სუარესის შემდეგ. 8 გოლი ლა ლიგაში გაიტანა, 2 ჩემპიონთა ლიგაზე, 3 კოპა დელ რეიზე და ერთიც სუპერ თასზე.
რომ არა "ლეგანესთან" გატანილი გოლის გაუქმება, მას იმდენივე გოლი ექნებოდა შეგდებული, რამდენიც ნეიმარმა გაიტანა თავის პირველ სეზონში.
ნეიმარმა მეორე სეზონში 39 გოლი გაიტანა, რაც დიდი სხვაობაა პირველ სეზონთან შედარებით, მაგრამ აღსანიშნავია, რომ ნეიმარი ძალიან ახალგაზრდა იყო, ბრაზილიიდან წამოსული თავის პირველ სეზონებს ატარებდა ესპანეთში. გრიზმანი კი 29 წლის არის და უდიდესი გამოცდილება უმაგრებს ზურგს.
ყველამ იცოდა, რომ ნეიმარი მომდევნო სეზონებში მოუმატებდა, აი გრიზმანი, ასეთ შთაბეჭდილებას ვერ ტოვებს.
ამ სიახლეზე კომენტარები გათიშულია.
კომენტარები [ 11 ]