Cadena SER: მესიმ "ბარსელონადან" წასვლა გადაწყვიტა
მსოფლიოს საუკეთესო ფეხბურთელმა, ლიონელ მესიმ, "ბარსელონადან" წასვლა გადაწყვიტა. Cadena SER-ის მიერ გავრცელებული ინფორმაციის თანახმად, 33 წლის ფეხბურთელი ჩანაფიქრს სისრულეში კონტრაქტის ვადის ამოწურვის შემდეგ, ანუ 2021 წელს მოიყვანს.
წყაროს ცნობით, ლეომ ახლო მეგობრებს სავარაუდო წასვლის შესახებ უკვე აცნობა. მან ასევე დააპაუზა ახალი კონტრაქტის თაობაზე კლუბთან მიმდინარე მოლაპარაკებები.
კატალონიური გამოცემის ინფორმაციით, ბოლო თვეების განმავლობაში "ბარსელონაში" აგორებულ არაერთ სკანდალს ისიც დაემატა, რომ მესის "ბლაუგრანას" სპორტული პროექტის წარმატების აღარ სჯერა. ამას ემატება ჭორების გავრცელება იმაზე, რომ ლეო კლუბის სატრანსფერო პოლიტიკაში ერევა და მწვრთნელებსაც კი არჩევს. წყაროს ცნობით, არგენტინელს ეს ჭორები აღიზიანებს.
ჯერჯერობით, Cadena SER ერთადერთი წყაროა, რომელიც მსგავს ინფორმაციას ავრცელებს.
ამ სიახლეზე კომენტარები გათიშულია.
კომენტარები [ 23 ]