ფილიპე კოუტინიო "ბაიერნში" კიდევ 2 თვე ითამაშებს
უკვე დიდი ხანია ცნობილია, რომ "ბაიერნი" "ბარსელონას" საკუთრებაში მყოფ ნახევარმცველს, ფილიპე კოუტინიოს არ გამოისყიდის. 28 წლის ვარსკვლავს "რეკორდმაისტერთან" საიჯარო ხელშეკრულების ვადა გუშინ, 30 ივნისს ამოეწურა და ბრაზილიელი "ბლაუგრანაში" უნდა დაბრუნებულიყო, თუმცა ის მიუნხენურ კლუბში კიდევ 2 თვე დარჩება.
ავტორიტეტული გერმანული გამოცემა Bild-ის ცნობით, "ბარსელონა" და "ბაიერნი" შეთანხმდნენ, რომ კოუტინიო "რეკორდმაისტერში" სეზონის ბოლომდე დარჩება. ბრაზილიელი ფეხბურთელი, ამ ორი თვის განმავლობაში, განახევრებულ ხელფასს აიღებს.
"ბაიერნი" უკვე გერმანიის ჩემპიონია, თუმცა მიუნხენელებს იმედი აქვთ, რომ ფილიპე გუნდს აგვისტოში ჩემპიონთა ლიგის მოგებაში დაეხმარება.
ფილიპე კოუტინიოს ანგარიშზე მიმდინარე სეზონში 33 მატჩი, 9 გოლი და 8 შედეგიანი გადაცემაა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 2 ]