ინიესტა: "ბარსამ", შესაძლოა, წააგოს, მაგრამ იდენტურობა ყოველთვის უნდა შეინარჩუნოს
"ბარსელონას" ლეგენდამ, იაპონური "ვისელ კობეს" ახლანდელმა ნახევარმცველმა, ანდრეს ინიესტამ კატალონიურ კლუბზე ისაუბრა.
"ბლაუგრანაში", ბოლო დროს, დიდი არეულობაა. კატალონიელთა მთავარი მწვრთნელის, კიკე სეტიენის დაკავებული თანამდებობიდან გათავისუფლება, გუნდის ცუდი თამაშის გამო, უფრო და უფრო სარწმუნო ხდება.
"ბარსელონამ", შესაძლოა, მატჩები წააგოს, მაგრამ იდენტურობა ყოველთვის უნდა შეინარჩუნოს. ვფიქრობ, რომ ფეხბურთში, გუნდურ თამაშში, წარმატების მისაღწევად ბევრი რამაა საჭირო.
ჩვენ გვყვავდა ისეთი შესანიშნავი მწვრთნელი, როგორიც პეპ გვარდიოლაა და თაობა იმ ნიჭიერი ფეხბურთელებისა, რომლებიც თამაშის ერთნაირი სტილით განვითარდნენ.
თითოეული სცენარი განსხვავებულია, თუმცა გუნდის თამაში მწვრთნელის სტილის სარკეა. გვარდიოლა ინდურ გუნდსაც რომ წვრთნიდეს, ის თავის ფილოსოფიას არ შეცვლიდა", - ციტირებს ინიესტას სიტყვებს Marca.
ამ სიახლეზე კომენტარები გათიშულია.
კომენტარები [ 3 ]