არტური "ბარსელონას" მაისურით თამაშს აღარ აპირებს
"ბარსელონას" 23 წლის ბრაზილიელი ნახევარმცველი არტური რომ კარიერას "იუვენტუსში" განაგრძობს, ეს უკვე ყველასთვის ცნობილია. ფეხბურთელი უკვე ტურინშია და მისი ტრანსფერის გაოფიციალურებას დღეს ველით.
FIFA-ს მიერ მიღებული გადაწყვეტილების თანახმად, მიუხედავად იმისა, რომ სატრანსფერო ფანჯარა პირველ ივლისს იხსნება, ფეხბურთელები მიმდინარე სეზონში ამჟამინდელ გუნდებში ჩაამთავრებენ. ეს ნიშნავს იმას, რომ სექტემბრამდე, არტური "ბარსელონაში" დარჩება, ხოლო მირალემ პიანიჩი - "იუვენტუსში".
თუმცა, თუ As-ისა და Calciomercato-ს ჟურნალისტს, მირკო კალემეს დავუჯერებთ, ბრაზილიელ ფეხბურთელს "ბარსელონას" მაისურით მოედანზე გასვლა აღარ სურს. ის ძალიან იმედგაცრუებული დარჩა იმით, რომ კატალონიელებმა მას გუნდის დატოვება აიძულეს.
იმავე წყაროს ცნობით, არტური ამ საკითხს "იუვენტუსთან" დღეს განიხილავს.
ამ სიახლეზე კომენტარები გათიშულია.
კომენტარები [ 29 ]