ხრისტო სტოიჩკოვი: რიკელმეს წარუმატებლობა იდიოტი ვან გაალის ბრალია
"ბარსელონას" ყოფილი ფეხბურთელი, ხრისტო სტოიჩკოვი, Radio Impacto de Cordoba-ს ხუან რომან რიკელმეს კატალონიური კარიერის შესახებ ესაუბრა.
იგი რიკელმეს "ბარსელონაში" წარუმატებელ თამაშს ლუი ვან გაალს უკავშირებს.
"რატომ ვერ მიაღწია რიკელმემ "ბარსაში" ტრიუმფს? იმიტომ, რომ ისეთი იდიოტი მწვრთნელი ჰყავდა, როგორიც ვან გაალია. ეს ყველასთვის ნათელია, არა?
ვან გაალი მას არასწორად ათამაშებდა. მიუხედავად ამისა, პირველ სეზონში მისი გოლებისგან, პასებისგან, თამაშისა და მოძრაობისგან სიამოვნებას ვიღებდი.
უნდა ვაღიაროთ, რომ მან [ვან გაალმა] კარგი რაღაცებიც გააკეთა, თუმცა მისმა სულელურმა გადაწყვეტილებებმა ფეხბურთში ბევრი იმსხვერპლა.
ერთხელ, გასახდელში შემოვიდა და გვითხრა, რომ იქ ზედმეტი "კრუიფიზმი" იყო. ვიფიქრე, სად შენ და სად იოჰანი", - თქვა 54 წლის სტოიჩკოვმა.
ნიდერლანდელი სპეციალისტი "ბლაუგრანას" 1997-2000 და 2002-2003 წლებში წვრთნიდა.
ამ სიახლეზე კომენტარები გათიშულია.
კომენტარები [ 5 ]