"ბარსამ" "ტოტენჰემს" კოუტინიოს ნდომბელეში გაცვლა შესთავაზა
"ბარსელონა" "ტოტენჰემისთვის" ახალ შეთავაზებას ამზადებს, კატალონური კლუბის მესვეურებს სურთ, რომ ფილიპე კოუტინიო, ტანგი ნდომბელეში გაცვალონ. ერთი შეხევდვით გამაოგნებელი შეთავაზებაა, მაგრამ თუ გავითვალისწინებთ, რომ ბართომეუ, არტურს ცვლის პიანიჩში, გასაკვირიც არაფერია.
ნდომბელე "ტოტენჰემმა", 63 მილიონ ევროდ შეიძინა, "ლიონიდან", მაგრამ მისი საქმე კარგად ვერ აეწყო, განსაკუთრებით მას შემდეგ, რაც ლონდონურ კლუბში ჟოზე მოურინიო მივიდა.
ნდომბელეს კლუბის დატოვება სურს და ინტერესს "ბარსელონაც" იჩენს, ბრიტანული გამოცემა Mirror წერს, რომ "ბარსას" ნდომბელეს ყიდვა ჯერ კიდევ მაშინ სურდა, სანამ ფეხბურთელი "ტოტენჰემში" გადაბარგდებოდა.
ბართომეუს მორიგი ჩანაფიქრია, რომ კიდევ ერთი კრეატიული ფეხბურთელი გაყიდოს და მის ნაცვლად, კიდევ ერთი ჩამშლელი, ფიზიკურად ძლიერი ფეხბურთელი მოიყვანოს.
ვნახოთ, რა გამოვა მორიგი კატასტროფული წამოწყებიდან.
ამ სიახლეზე კომენტარები გათიშულია.
კომენტარები [ 13 ]