ხოსეპ მარია მინგელა: მესი რიკელმეს ისე უყურებდა, თითქოს ის იესო ქრისტე ყოფილიყო
ლიონელ მესის პირველი აგენტი, ხოსეპ მარია მინგელა, ესპანურ პრესასთან ინტერვიუში არგენტინელის ახალგაზრდულ პერიოდს იხსენებს.
"ლეო ზოგჯერ ბარბექიუზე მოდიოდა ხოლმე. მახსოვს ერთხელ იქ რიკელმე, როშემბაკი, ტიაგო მოტა და სხვა მოთამაშეებიც მოვიდნენ. თვალში ერთი დაუვიწყარი კადრი მომხვდა - მაგიდასთან მჯდომი მესი რიკელმეს ისე აკვირდებოდა, თითქოს ის იესო ქრისტე ყოფილიყო.
მესისთვის რიკელმე დიდებული კუმირი გახლდათ, ისიც ცაცია იყო და "ბარსელონას" პირველ გუნდში 10 ნომრით თამაშობდა, ახალგაზრდა მესი მხოლოდ მისი ცქერით გამოირჩეოდა, რადგან ის ძალიან მორცხვი იყო." - მინგელას სიტყვებს Sport ციტირებს.
შეგახსენებთ, რომ ხუან რომან რიკელმე "ბარსელონაში" 2002-2005 წლებში ირიცხებოდა, თუმცა "ბლაუგრანას" მაისურით არგენტინელმა მხოლოდ 2002/2003 სეზონში იასპარეზა (42 მატჩი, 6 გოლი).
ამ სიახლეზე კომენტარები გათიშულია.
კომენტარები [ 14 ]