თუ ვალვერდეს ბრალი არ იყო, არც სეტიენის ბრალია
კიკე სეტიენის "ბარსელონაში" რაღაც რიგზე ვერ არის. სპეციალისტმა, რომელიც ლამაზ და სანახაობრივ ფეხბურთს ანიჭებს უპირატესობას, "ბლაუგრანაში" მოსვლისას დამაიმედებელი განცხადება გააკეთა. სწორედ ეს განცხადება იქცა კრიტიკოსებისთვის საბაბად, ესპანელის მიერ გაწეული სამუშაო დაეწუნებინათ. "როცა გუნდს ჩავიბარებ, გარანტიას ვიძლევი, რომ ისინი კარგად ითამაშებენ", - განაცხადა სეტიენმა. თუმცა ესპანელის მოსვლიდან 16 მატჩის შემდეგ "ბარსელონას" სათამაშო სტილი ისეთივე უსახურია, როგორც ვალვერდეს დროს იყო.
თუ სეტიენი და სარაბია კამერებში მაინცდამაინც ბედნიერები არ ჩანან, ეს იმის გამოა, რომ ფეხბურთელები დავალებებს არ ასრულებენ. "ბილბაოსთან" გადაღებული ფოტო, რომელზეც ორივე მათგანი თავში ხელებს იშენს, სიმბოლურად გამოხატავს გუნდის დღევანდელ მდგომარეობას. კიკე სეტიენი ფეხბურთელთა თამაშით ნასიამოვნები ვერ იქნება. არადა, სწორედ მისმა გაწვრთნილმა ბეტისმა 2018 წლის ნოემბერში "კამპ ნოუზე" გამარჯვება მოიპოვა.
"ბარსელონას" ხელმძღვანელობამ ერნესტო ვალვერდე გაათავისუფლა მას შემდეგ, რაც კატალონიელები "ატლეტიკოსთან" ესპანეთის სუპერ თასზე დამარცხდნენ. ლიონელ მესიმ კი აღნიშნა, რომ "რომასა" და "ლივერპულთან" მარცხი ვალვერდეს ბრალი არ იყო. არგენტინელმა პასუხისმგებლობა ფეხბურთელებს დააკისრა. ლა ლიგის წინა სეზონის ჩემპიონი გუნდი ანტუან გრიზმანისა და ფრენკი დე იონგის მისვლით გაძლიერდა. რეალმა, გასული წლის საჩემპიონო რბოლა მესამე ადგილზე დაასრულა, ახლა კი გამარჯვებულის ბედი მის ხელთაა, გამოწვეულია თუ არა ეს ბლანკოსში ედენ აზარისა და სხვების მისვლით?
ამ შემთხვევაში ყურადღება უნდა გავამახვილოთ "ბარსელონას" იმ ფეხბურთელებზე, რომლებმაც გასულ სეზონში თავი გამოიჩინეს. ასევე იმათზეც, რომლებიც ფეხბურთის თამაშისას დაბნეული და შეშინებული გამოხედვა აქვთ. აპათიის ეს ფონი საერთოდ არ შეესაბამება იმ სიმტკიცეს, რომლითაც კლუბი შიდა პრობლემების გადაწყვეტას ცდილობდა.
თუ მათ თქვეს, რომ ვალვერდეს ბრალი არ იყო, გამოდის, რომ არც სეტიენის ბრალია.
მომზადებულია Marca-ს მიხედვით.
ამ სიახლეზე კომენტარები გათიშულია.
კომენტარები [ 12 ]