რატომ არ ითამაშა ანტუან გრიზმანმა ძირითადში?
გუშინ "ბარსელონამ", ლა ლიგის 30-ე ტურში, "სევილიას" წინააღმდეგ ფრე (0-0) ითამაშა. კატალონიელთა სასტარტო შემადგენლობაში არ იმყოფებოდა 29 წლის ფრანგი ვარსკვლავი ანტუან გრიზმანი.
გრიზმანის ნაცვლად ანდალუსიურ კლუბთან ძირითადში მარტინ ბრეითუეიტი ვიხილეთ. "ბლაუგრანას" მთავარმა მწვრთნელმა, კიკე სეტიენმა, მისი ეს გადაწყვეტილება ასე განმარტა: "გრიზმანის სათადარიგოზე დატოვება ვარჩიე, რადგან ბრეითუეიტის სისწრაფე გვჭირდებოდა. იყო ანსუ ფატის ვარიანტიც, მაგრამ გადაწყვეტილებას ვიღებ თამაშამდე და მის დროს. ეს ყველაფერი ასე მოხდა".
61 წლის სპეციალისტმა გრიზმანი თამაშში მეორე ტაიმში ჩართო. ფრანგმა შემტევმა, მატჩის 77-ე წუთზე, არტურო ვიდალი შეცვალა.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 12 ]