ტერ-შტეგენი “ბარსას“ ლიდერად ყალიბდება, 5 დასტური “ლეგანესთან“ მატჩიდან
სამშაბათს, "ბარსელონა" "ლეგანესს" ცარიელი ტრიბუნების ფონზე დაუპირისპირდა. მატჩის მიმდინარეობა გულშემატკივრის არყოფნის გამო საკმაოდ უცნაური იყო.
ასეთ სიჩუმეში თამაშისას ფეხბურთელების ხმა საკმაოდ მკაფიოდ ისმოდა, მათ შორის მარკ ანდრე ტერ-შტეგენისაც. მისი თანაგუნდელებთან კომუნიკაცია ზუსტად ასახავს, თუ რამდენად მნიშვნელოვან ფიგურად ყალიბდება ის მოედანზე.
გერმანელი მეკარის ლიდერული თვისებების დასახასიათებლად, აღნიშნული მატჩიდან რამდენიმე მაგალითი შეგვიძლია მოვიყვანოთ.
1) თამაშის დაწყებიდან რამდენიმე წუთში ტერ-შტეგენმა პირველმა შეამჩნია, რომ არტური თავის პოზიაციაზე არ იდგა და ბრაზილიელს ამის შესახებ მიუთითა.
2) "გარეთ გაყარე", სწორედ ამ სიტყვებით დაუძახა გერმანელმა სამუელ უმტიტის მეტოქეების გასანეიტრალებლად.
3) მუდმივად კონცენტრირებული. მარკმა ცენტრალური მცველები გააფრთხილა, რომ უკეთესად დაეკავებინათ პოზიციები, რათა მეტოქე გუნდის კონტრ-შეტევებზე სახიფათო მდგომარეობები არ შექმნილიყო.
4) ტერ-შტეგენი ფირპოსა და ანსუ ფატის ეხმარებოდა, თუ როგორ უნდა შეესრულებინათ დაცვითი სამუშაოები.
5) "კარგია, რიკი, კარგი", ასე გაამხნევა 28 წლის კარის დარაჯმა პუჩი, მატჩის 87-ე წუთზე ვერგამოყენებული შანსის შემდეგ.
ტერ-შტეგენმა მიმდინარე სეზონში 36 მატჩში მიიღო მონაწილეობა. სულ 13-ჯერ შეინახა კარი მშრალად და 34 გოლი გაუშვა.
კატალონიელები მასთან ახალი 5-წლიანი ხელშეკრულების გაფორმებას აპირებენ და დიდი ალბათობით სეზონის ბოლოს ამ კონტრაქტს ხელი ოფიციალურად მოეწერება.
ამ სიახლეზე კომენტარები გათიშულია.
კომენტარები [ 6 ]