ოფიციალურად: ჩემპიონთა ლიგის თამაშების თარიღები, სტადიონი და ფორმატი ცნობილია
რამდენიმე წუთის წინ, UEFA-მ, ჩემპიონთა ლიგის მიმდინარე სეზონის დარჩენილი ნაწილის განახლებული ფორმატი ოფიციალურად დაადასტურა.
1/8-ფინალის დარჩენილი მატჩები 7-8 აგვისტოს გაიმართება. მასპინძელი სტადიონები, ჯერჯერობით, უცნობია.
1/4-ფინალები და 1/2-ფინალები ერთმატჩიანი იქნება და ისინი, ისევე, როგორც ფინალი, ლისაბონში გაიმართება.
1/4-ფინალები 12-15 აგვისტოს ჩატარდება, 1/2-ფინალები - 18-19 აგვისტოს, ხოლო ფინალი - 23 აგვისტოს.
ყველა თამაში თბილისის დროით 23 საათზე დაიწყება.
UEFA კორონავირუსთან დაკავშირებით მოვლენების განვითარებას დააკვირდება და ამის შემდეგ გადაწყდება, დაშვებულები იქნებიან თუ არა გულშრმატკივრები ჩემპიონთა ლიგის თამაშებზე.
"ბარსელონა" ჩემპიონთა ლიგის 1/8-ფინალშია გასული. "ნაპოლისთან" სტუმრად გამართული პირველი თამაში 1-1 დასრულდა. განმეორებითი შეხვედრა 7 ან 8 აგვისტოს გაიმართება, ადგილი - "კამპ ნოუ", ან ნეიტრალური სტადიონი.
ამ სიახლეზე კომენტარები გათიშულია.
კომენტარები [ 7 ]