ანსუ ფატი - კონსერვის დანის სინონიმი
ანსუ ფატიმ, ხანგრძლივი პაუზის შემდეგ, ძირითად შემადგენლობაში ადგილი დაიბრუნა, ერთ-ერთი გამორჩეული შეხვედრა ჩაატარა და მორიგი გოლიც გაიტანა, - წერს Mundo Deportivo.
ანსუ ფატი გამოირჩევა იმით, რომ მნიშვნელოვანი გოლები გააქვს. შედარებისთვის შეგვიძლია გავიხსენოთ ალექსის სანჩესი, ჩილელი ფორვარდი, რომელიც "ბარსამ" დიდი ზარ-ზეიმით შეიძინა და მალევე გაუშვა გუნდიდან.
სანჩესს ჰქონდა კარგი თამაშები, განსაკუთრებით მადრიდის "რეალთან", მაგრამ მისი გატანილი გოლების უმრავლესობა არაფერს ცვლიდა, რადგან სანჩესი იტანდა მაშინ, როცა "ბარსა" ისედაც იგებდა თამაშს, ხშირი ყოფილა, რომ რიგით მესამე, ან მეოთხე გოლი გაუტანია, როცა თამაშის ბედი გადაწყვეტილი იყო.
ძალიან იშვიათად იტანდა პირველ გოლს, კიდევ უფრო იშვიათად გამთანაბრებელ გოლს. აი ანსუ ფატის კი აქედანვე ეტყობა, რომ ზუსტად მაშინ არის ყველაზე პროდუქტიული, როცა ტაბლოზე ნულით-ნული წერია.
ანსუ, კონსერვის ქილის დანას ჰგავს, რომელიც ქილას თავსახურს მოხსნის და მერე ყველას თანაბრად შეუძლია საჭმელი მიირთვას.
შორს მიმავალი დასკვნების გაკეთება, ნაადრევია, მაგრამ ამ ბიჭს ნამდვილად აქვს რაღაც ისეთი, რაშიც 150 მილიონ ევროს იხდიან, - ასე ასრულებს წერილს, როჟერ ტორელო, MD-ს ჟურნალისტი.
ამ სიახლეზე კომენტარები გათიშულია.
კომენტარები [ 11 ]