კოუტინიომ კლოპს თხოვნით მიმართა
ფილიპე კოუტინიომ, იურგენ კლოპს თხოვნით მიმართა, "ლივერპულში" დაბრუნების შესახებ და ისიც დააყოლა, რომ მზად არის ხელფასი საგრძნობლად შეიმციროს, - იტყობინება ბრიტანული გამოცემა Metro.
კოუტინიოს ხილვა თავის გუნდში, კიკე სეტიენსაც სურს, მაგრამ ხელმძღვანელობას სულ სხვა გეგმები აქვს და უკვე გადაწყვიტეს კიდეც, რომ ბრიტანეთში გაყიდიან, რადგან ყველაზე სარფიანი შეთავაზებები, სწორედ ნისლიანი ალბიონიდან მოდის.
ბრაზილიელი ვერც "ბარსას" შეეწყო და ვერც "ბაიერნს", ამიტომ სურს დაბრუნება იქ, სადაც ვარსკვლავად იქცა.
აქამდე არაერთხელ გავრცელდა ინფორმაცია, სხვადასხვა კლუბების ინტერესის შესახებ, განსაკუთრებულ ინტერესს "არსენალი" და "ნიუკასლი" იჩენენ, აი "ლესტერს" ძალიან უნდა, რომ ბრძოლაში ჩაერთოს, მაგრამ ფინანსები არ ჰყოფნის.
"ჩელსიმ" და "უნაიტედმა" კი, ბოლო ინფორმაციით, კოუტინიოზე უარი თქვეს.
"ლივერპულმა" უკვე დაკარგა ტიმო ვერნერი, რომელიც "ჩელსიმ" თვალწინ ააცალა, კლოპს კი გაძლიერება სურს, მისი გუნდი ჩემპიონთა ლიგას უკვე გამოეთიშა, პრემიერ ლიგა კი ჯიბეში უდევს.
უძღები შვილი დაბრუნებას ითხოვს. ვნახოთ, რას გადაწყვეტს იურგენ კლოპი.
ამ სიახლეზე კომენტარები გათიშულია.
კომენტარები [ 8 ]