ნელსონ სემედუს გაურკვეველი მომავალი: "ინტერში" ტრანსფერი თუ "ბარსელონაში" დარჩენა?
ნელსონ სემედუ "ბარსელონადან" წასვლის ერთ-ერთი კანდიდატია. თუმცა პორტუგალიელის ტრანსფერის საკითხი რთულდება, რადგან მსურველ კლუბთა სია უფრო და უფრო მცირდება. სემედუს აგენტი ჟორჟე მენდეში ცდილობს ფეხბურთელის მომავალი გაარკვიოს, მაგრამ ეს არც ისე მარტივი აღმოჩნდა. აქედან გამომდინარე, შესაძლოა, სემედუ "ბარსელონაში" კიდევ ერთი სეზონით დარჩეს.
"ბარსელონა" და სემედუ 3 კლუბთან აწარმოებდნენ მოლაპარაკებებს. ერთ-ერთი მათგანი "იუვენტუსი" იყო. "ბებერი ქალბატონი" პორტუგალიელის ტრანსფერში მირალემ პიანიჩის ჩართვას აპირებდა. საბოლოოდ, იტალიურ კლუბსა და სემედუს შორის შეთანხმება ვერ შედგა. მიზეზად ფეხბურთელის ხელფასი სახელდება.
"ბარსელონას" კიდევ ერთი იმედი "მანჩესტერ სიტი" იყო. კატალონიელები იმედოვნებდნენ, რომ, სემედუს სანაცვლოდ, ჟოაუ კანსელუს მიიღებდნენ, თუმცა ინგლისური კლუბი 26 წლის პორტუგალიელით არ დაინტერესდა.
მესამე და ერთადერთი რეალურ ვარიანტად "ინტერი" რჩება. ანტონიო კონტეს მარჯვენა მცველი სჭირდება და იტალიური კლუბიც მზადაა სემედუს შესაბამისი ხელფასი გადაუხადოს. "ბარსელონას" სურს ლაუტარო მარტინესის სანაცვლოდ სემედუ და დამატებით 70 მილიონი ევრო გადაიხადოს. "ინტერს" კი ეს არასაკმარისად მიაჩნია. ჯერჯერობით, კლუბები ამ საკითხებზე არ შეთანხმებულან.
ამ სიახლეზე კომენტარები გათიშულია.
კომენტარები [ 5 ]