რივალდო სეტიენს აკრიტიკებს - მისი მიზეზები სრულიად უაზროდ მიმაჩნია

კორონავირუსის გამო აღებული პაუზის შემდეგ, ესპანეთის ფეხბურთის ფედერაციამ ლა ლიგაში 5 ცვლილება დაამტკიცა. აღნიშნული ფაქტი "ბარსელონას" მწვრთნელმა, კიკე სეტიენმა კლუბისათვის საზიანოდ მიიჩნია.

ხსენებულ განცხადებას "ბარსელონას" ყოფილი ფეხბურთელი, რივალდო ეხმაურება და მთავარ მწვრთნელს აკრიტიკებს.

"არ მიმაჩნია, რომ 5 ცვლილებით რომელიმე კლუბს უპირატესობა მიეცემა და რომელიმეს - არა. რეალურად, ამან, შესაძლოა, ყველასათვის დადებითი ეფექტი იქონიოს. კარანტინის შემდეგ ყველა მოთამაშე მოწოდების სიმაღლეზე ვერ იქნება, ცვლილებები კი მათ დასვენების საშუალებას მისცემს. 

ამის გამო, მწვრთნელები შემადგენლობებს მარტივად განაახლებენ და მჯერა, რომ ყველაფერი უპრობლემოდ ჩაივლის.

კიკე სეტიენის განცხადებას არ ვეთანხმები, რადგან "ბარსელონას" მოედანზე სათამაშოდ 90 წუთი აქვს და უნდა ეცადოს, რომ უპირატესობა შეხვედრის საწყის წუთებში მოიპოვოს. 

არასწორია, თუ მინდორზე მოწინააღმდეგეთა დასაღლელად გამოვლენ და შეხვედრის ბოლო წუთებზე იფიქრებენ.

კიკე სეტიენის მიზეზები, რომ მეტოქის 2 ცვლილების ზედმეტად გამოყენების უფლება "ბლაუგრანას" ავნებს, ჩემთვის სრულიად უაზროა. 

"ლურჯ-ბროწეულისფერებისა" და "რეალის" მსგავს კლუბებს უძლიერესი შემადგენლობები ჰყავთ, რომლითაც შეხვედრის ბედის გადაწყვეტა 45 წუთშიც არ გაუჭირდებათ.

ლა ლიგა ბრუნდება, თუმცა ლეო მესის გასულ კვირას გარკვეული პრობლემები ჰქონდა. ბევრი მსჯელობს, მზად იქნება თუ არა "მალიორკასთან" სასტარტოში დასაყენებლად. თუ ტიტულისათვის ბრძოლაში "ბარსელონა" ლიდერის პოზიციას შეინარჩუნებს, არგენტინელის მეორე ტაიმებში დასვენება შეიძლება. როგორც ყველამ ვიცით, ლეო ყოველ წელს "პიჩიჩისათვის" იბრძვის, ამიტომ მწვრთნელისათვის მასზე როტაციების ჩატარება რთული იქნება - მესისთან ვერ მიხვალ და ვერ ეტყვი - "ცოტა დაისვენე", - ციტირებს რივალდოს სიტყვებს COPE.