დე იონგი რასიზმის წინააღმდეგ: კანის ფერსა და წარმომავლობას მნიშვნელობა არ აქვს
"ბარსელონას" ნიდერლანდელი ნახევარმცველი ფრენკი დე იონგი BBC Radio 5-თან საუბრისას დღეისათვის მსოფლიოში ყველაზე განხილვად თემას, რასიზმს, შეეხო.
ანტირასისტული პროტესტი აქტიური მას შემდეგ გახდა, რაც მინეაპოლისში, 25 მაისს, 46 წლის აფროამერიკელი მოქალაქე პოლიციის მხრიდან ძალადობის შედეგად გარდაიცვალა.
"ეს თავს ნამდვილად ცუდად გაგრძნობინებს, რადგან მსგავსი რაღაცები ჯერ კიდევ არსებობს. ვერ წარმომიდგენია, რომ ხალხი ისევ ასე ფიქრობს. ეს ძალიან უცნაურია.
გუნდში ფეხბურთელები სამხრეთ ამერიკიდან, ნიდერლანდებიდან, ესპანეთიდან, მთელი მსოფლიოდან გვყვავს. ჩვენ ერთად ვმოქმედებთ - შენს კანის ფერსა და წარმომავლობას მნიშვნელობა არ აქვს.
სპორტს შეუძლია, დიდი როლი ითამაშოს რასიზმის წინააღმდეგ ბრძოლაში, რადგან შეგიძლია ხმა ბევრ ადამიანს მიაწვდინო".
ფრენკი დე იონგმა, 31 მაისს, ამერიკის შეერთებულ შტატებში მიმდინარე პროტესტის ფონზე, Twitter-ზე მის თანამემამულესთან, ჯორჯინიო ვეინალდუმთან ერთად გადაღებული ფოტო გამოაქვეყნა შემდეგი წარწერით: #stopracism.
✊🏻✊🏼❤️✊🏽✊🏾 #stopracism pic.twitter.com/JAt7ig4UOh
— Frenkie de Jong (@DeJongFrenkie21) May 31, 2020
ამ სიახლეზე კომენტარები გათიშულია.
კომენტარები [ 3 ]