ჯანლუკა დი მარციო: "ლივერპულმა" დემბელეს შესაძენად შეთავაზება უკვე გააკეთა
ჯანლუკა დი მარციო, ერთ-ერთი ყველაზე დიდი რეპუტაციის მქონე საფეხბურთო ანალიტიკოსია. მისი ინფორმაციით, "ლივერპული" "ბარსას" დემბელეს იჯარის წესით შეძენაზე უკვე დაუკავშირდა.
წითლებს კონტაქტი როგორც კლუბთან, ასევე ფეხბურთელთანაც ჰქონდათ. მიუხედავად ამისა, უსმანს "ბლაუგრანას" დატოვების სურვილი არ აქვს და სურს საკუთარი შანსები მომავალში გამოიყენოს.
იურგენ კლოპს ფრანგი ფეხბურთელის მიმართ სიმპათიები დიდი ხანია აქვს. გერმანელ სპეციალისტს მისი შეძენა 2017 წელსაც სურდა. "დორტმუნდში" მწვრთნელობის პერიოდში მას დემბელესთან ნორმალურად მუშაობის შესაძლებლობა არ ჰქონია, თუმცა მის პროგრესს ხედავდა და აკვირდებოდა.
ჯერჯერობით კატალონიელთა პოზიცია, პოტენციურ ტრანსფერთან დაკავშირებით, უცნობია. თუმცა "ბარსელონა" ზაფხულში შემადგენლობის განახლებასა და გუნდიდან რამდენიმე სახელოვანი ფეხბურთელის გაშვებას აპირებს.
უსმანის კონტრაქტს ვადა 2022 წლის 30 ივნისს გასდის, მისი გამოსასყიდი თანხა კი 400 მილიონი ევროა.
ამ სიახლეზე კომენტარები გათიშულია.
კომენტარები [ 8 ]