"არსენალს" რაფინია სურს
Mundo Deportivo-ს ინფორმაციით, რაფინია "მეთოფეების" რადარებზე გამოჩნდა.
წყაროს ცნობით, ფიანსური რესურსის შესავსებად, "ბარსელონა" ლიონელ მესისა და მარკ ანდრე ტერ-შტეგენის გარდა, სხვა ყველა ფეხბურთელის გაყიდვაზეა წამსვლელი.
"ლა მასიას" აღზრდილი რაფინიას შეძენით კი ჩრდილო-ლონდონელები არიან დაინტერესებულნი. ამჟამად ბრაზილიელი შემტევი ნახევარმცველი "სელტაშია" განათხოვრებული, სადაც მან 19 შეხვედრაში საწყისი თერთმეტეულიდან დაიწყო თამაში და 2-2 გოლი და ასისტი მიითვალა.
რაფინია საკმაოდ ტექნიკური ფეხბურთელია. რომ არა მისი ტრავმების მიმართ მიდრეკილება, შესაძლოა, კატალონიურ კლუბში წარმატებული კარიერაც ჰქონოდა. "ბლაუგრანას" შემადგენლობაში მან 12 გოლი გაიტანა და 8 საგოლე გადაცემა მიითვალა.
მის კონტრაქტს ვადა 2021 წელს გასდის და ამ ზაფხულში წამსვლელთა კანდიდატებს შორის ერთ-ერთი უპირველესია. ბრაზილიელის სატრანსფერო ფასად 13 მილიონი ევრო სახელდება.
ამ სიახლეზე კომენტარები გათიშულია.
კომენტარები [ 3 ]