3 მიზეზი, თუ რატომ შეიძლება კოუტინიოს "ბარსაში" დაბრუნებამ გაამართლოს
მიუნხენის "ბაიერნმა" ოფიციალურად დაადასტურა, რომ ბრაზილიელი ნახევარმცველის გამოსყიდვას არ აპირებს, შესაბამისად, ფილიპე კოუტინიო "ბლაუგრანაში" დარჩება ან კლუბს დატოვებს. ქვემოთ შეგვიძლია, ის რამდენიმე მიზეზი ჩამოვთვალოთ, რის გამოც მისი გუნდში დარჩენა ოპტიმალური ვარიანტი იქნება.
1) კიკე სეტიენის ხელში კოუტინიოს შეეძლება თავის ბუნებრივ პოზიციას დაუბრუნდეს და კვლავ ეფექტური იყოს. ერნესტო ვალვერდეს მწვრთნელობის პერიოდში მას თავისთვის უჩვეულო მარცხენა ფლანგზე უწევდა თამაში. ასევე დაცვითი ფუნქციების შეთავსებაც მის შემტევ პოტენციალზე ცუდად მოქმედებდა. ახალი სპეციალისტის ხელში კი ნახევარმცველად შეეძლება თამაში და "ბარსას" შეტევითი პოტენციალისთვის დიდი პროგრესი იქნება.
2) ფილიპესათვის გუნდში დაბრუნება ფსიქოლოგიურად დიდი სტიმული უნდა იყოს. "ბარსელონაში" ბოლო დროს კოუტინიოს საკუთარი თავის რწმენა აღარ ჰქონდა. "ბაიერნში" გადასვლის შემდეგ კი მან საწყის 22 შეხვედრაში 8 გოლი გაიტანა და 9 საგოლე გადაცემა გააკეთა. განსაკუთრებით გამოსარჩევი კი ბრემენის "ვერდერთან" ჩატარებული შეხვედრა იყო, სადაც მან აქტივში ჰეთ-თრიქი და ორი საგოლე გადაცემა მიითვალა.
3) "კოუს" კატალონიურ კლუბში დასამტკიცებელი ჯერ კიდევ ბევრი აქვს. მისი "ბარსელონური" კარიერა საწყისი რამდენიმე შეხვედრის გარდა, რეალურად კარდინალურად უარყოფითად წარიმართა. დაბრუნებით ბრაზილიელს კიდევ ერთი შანსი ექნება, რომ მისი "ჰეითერები" გააჩუმოს და საკუთარ შესაძლებლობებში საბოლოოდ დაარწმუნოს.
თავად რამდენად ოპტიმალურ ვარიანტად მიიჩნევთ, კოუტინიოს კლუბში დარჩენას?
ამ სიახლეზე კომენტარები გათიშულია.
კომენტარები [ 7 ]