Bild: "ლევერკუზენი" კაი ჰავერტცის ფასს არ შეამცირებს

Bild: "ლევერკუზენი" კაი ჰავერტცის ფასს არ შეამცირებს

გერმანული გამოცემა Bild-ის ინფორმაციით, ლევერკუზენის "ბაიერი" "ბარსელონას" ერთ-ერთი სატრანსფერო სამიზნის, კაი ჰავერტცის სანაცვლოდ 100 მილიონ ევროს მოითხოვს.

ადრე გავრცელებული ჭორების თანახმად, პიტერ ბოშის გუნდი, კორონავირუსის პანდემიის ფონზე, ახლაგაზრდა ფეხბურთელის ღირებულებას შეამცირებდა, თუმცა ზემოთხსენებული წყარო იუწყება, რომ გერმანელი გამთამაშებლის ფასი არ შემცირდება.

ჰავერტცს როგორც ცენტრალურ ნახევარმცველად, ასევე მარჯვენა გარემარბად ასპარეზობა შეუძლია. 20 წლის მოთამაშემ მიმდინარე სეზონში, ყველა ტურნირის ეგიდით, 36 მატჩში თავი 14 გოლითა და 8 ასისტით გამოიჩინა, 2020 წელს კი მონაწილეობა 17 გოლში მიიღო (10 გოლი + 7 საგოლე გადაცემა) (2-ით მეტი, ვიდრე ბუნდესლიგის ნებისმიერმა სხვა ფეხბურთელმა).

კაიმ სეზონის განახლების შემდეგ, "ვერდერთან" და "გლადბახთან" 2 შეხვედრაში, ამავე რაოდენობის დუბლის შესრულება მოახერხა. "ბარსასთან" ერთად, ჰავერტცისთვის ბრძოლაში ლონდონის "ჩელსი" და "ლივერპულიც" იბრძვრიან. Transfermarkt-ი მას 81 მილიონ ევროდ აფასებს.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 3 ]

    ინფორმაცია
    ამ სიახლეზე კომენტარები გათიშულია.
    Culé [?]
    #3 27 მაისი 2020 02:09
    0
    100 მილიონს დღეს ვერცერთი გუნდი ვერ გადაიხდის ზღაპარია ეგ ამბავი 😃
    საიტის ლეგენდა  [?]
    #2 27 მაისი 2020 01:30
    0
    არადა დაგვხსტავდა ეს ბიჭი
    --------------------
    91/92 05/06 08/09 10/11 14/15 to be continued
    Culé [?]
    #1 26 მაისი 2020 20:07
    0
    100 მილიონი ერთად თუ უნახავთ ამათ.