"ბეტისი" "ბარსელონას" ახალგაზრდებს აკვირდება
Sport-ის ინფორმაციით, "რეალ ბეტისი" "ბარსელონასთან" კარგ ურთიერთობაში დარწმუნებულია, ამიტომ მომავალ სეზონში ანდალუსიელები კატალონიური კლუბიდან რამდენიმე ფეხბურთელის იჯარით აყვანას, ან ყიდვას შეეცდებიან. შესაბამისად, "ბლაუგრანას" რამდენიმე ახლაგაზრდა მოთამაშეს უკვე აკვირდებიან.
"ბეტისს" ამჟამად კარლეს ალენიას იჯარის გახანგრძლივება კიდევ 1 წლით სურს; ანდალუსიელები ჟუნიორ ფირპოს დაბრუნებასაც აპირებენ, რომელიც "ბარსას" გასულ წელს, 18 მილიონ ევროდ შეუერთდა, მაგრამ გაცემული ავანსები, ჯერჯერობით, ვერ გაამართლა.
ასევე, რუბი, რიკი პუჩით ინტერესდება. "ბარსა ბ-ს" ნახევარმცველს პირველ გუნდში სტაბილური სათამაშო პრაქტიკა არ აქვს, რამაც, შესაძლოა, მის სევილიელთა შემადგენლობაში იჯარით გადასვლას ხელი შეუწყოს.
გავრცელებული ჭორების თანახმად, "ბეტისი" ანსუ ფატის, პედრისა და ფრანსიშკუ ტრინკაუს მდგომარეობასაც ყურადღებით აკვირდება. წარმოშობით გვინეა-ბისაუელს, შესაძლოა, "ბარსელონას" პირველ გუნდში განსაზღვრული სათამაშო დრო მიეცეს, ესპანელისა და პორტუგალიელის გარშემო კი მეტი გაურკვევლობაა. გარდა ზემოთხსენებული მოთამაშეებისა, "ბეტისი" ალექს კოლიადოსაც უმიზნებს, თუმცა კარგად მოეხსენება, რომ ამ ეტაპზე, მისი შეძენისთვის ბრძოლაში, ვიგოს "სელტა" და "ვილიარეალი" უკეთეს პოზიციაზე არიან.
ამ სიახლეზე კომენტარები გათიშულია.
კომენტარები [ 9 ]