4 რამ რაც, ნეიმარისაგან განსხვავებით, დემბელეს შეუძლია
"ბარსა" ნეიმარის შეძენას ამ ზაფხულში შეეცდება, თუმცა, ბრაზილიელის ტრანსფერის ჩაშლის შემთხვევაში, კლუბს ოპტიმიზმის საფუძველი მაინც შეიძლება ჰქონდეს. უსმან დემბელეს ჯერ კატალონიელებისთვის დასამახსოვრებელი მომენტები არ შეუქმნია, მაგრამ მასზე იმედების დასამყარებლად რამდენიმე მიზეზი ისევ არსებობს.
ახალგაზრდული ასაკი
დემბელე 23 წლის დღეს გახდა, ნეიმარი კი მასზე 5 წლით უფროსია.
იმ შემთხვევაში, თუ დემბელე ტრავმიანობის სენს საბოლოოდ მოიშორებს და 2020-21 წლების სეზონში სრულად ითამაშებს, შესაძლოა, მისთვის მთავარი გარდამტეხი ეტაპი დადგეს და კარიერის პიკში, საუკეთესო ფორმაში შევიდეს. რაც შეეხება "ნეის", ის უკვე 28 წლისაა და კარიერის საუკეთესო წლები უკვე უკან აქვს მოტოვებული. ასევე უნდა ითქვას, რომ ბრაზილიელიც, უსმანის მსგავსად, ტრავმებისკენაა მიდრეკილი.
მრავალმხრივობა
ნეიმარის "კამპ ნოუზე" დაბრუნების შემთხვევაში, ჩვენ ზუსტად გვეცოდინება პოზიცია, სადაც ბრაზილიელი ითამაშებს. მარცხენა ფლანგი ბრაზილიელის გამოკვეთილი ადგილია, საიდანაც თამაშს ამწვავებს. მაშინ, როცა დემბელე გაცილებით მრავალმხრივი პროფილის მოთამაშეა. ფრანგს ორივე ფეხით თამაში კარგად გამოსდის, შესაბამისად, მას როგორც მარცხენა, ისევე მარჯვენა ფლანგზე შეუძლია თამაში. თუ მესი არ იქნება, მას მარჯვნივ შეუძლია დადგეს, გრიზმანის არყოფნის შემთხვევაში კი - მარცხნივ.
თავმდაბლობა
ნეიმარმა "ბლაუგრანა" მესის ჩრდილში ყოფნის გამო დატოვა, დემბელეს ასეთი მიზეზი ძნელად წარმოსადგენია ჰქონდეს. ფრანგი ფეხბურთელისთვის მოედანზე ნომერ პირველი ვარსკვლავობა არაა მთავარი ვალდებულება. უპირველესად, მან საკუთარი საქმე უნდა შეასრულოს და გუნდს ეს ყოველივე თავისთავად წაადგება.
პოზიციების შერჩევა
ნეიმარმა პსჟ-ში გადასვლის შემდეგ თამაში უფრო უკნიდან, მოედნის ცენტრთან ახლოს დაიწყო. ეს დაახლოებით იგივეა, რასაც მესი "ბარსელონაში" აკეთებს. ორი ასეთი ფუნქციების მქონე ფეხბურთელის ერთად თამაში ტაქტიკური შეცდომა იქნება, რადგანაც შეტევაში მეტი თავისუფალი სივრცეა საჭირო.
ამჟამად გუნდში გარემარბი მხოლოდ დემბელეა, შესაბამისად, თუ ნეიმარი თავის ძველ პოზიციაზე დაბრუნებას არ დათანხმდება, მისი გუნდში მოსვლა არაეფექტური იქნება.
ამ სიახლეზე კომენტარები გათიშულია.
კომენტარები [ 12 ]