ფოკუსს მიღმა - 14.05.2020
წარმოგიდგენთ რუბრიკას "ფოკუსს მიღმა". ამ რუბრიკაში შემოგთავაზებთ დღევანდელ სიახლეებს, რომლებიც ჩვენი ფოკუსის მიღმა ნაკლები მნიშვნელობის გამო დარჩა და რომლებსაც ცალკე სტატია არ მიეძღვნა.
რობერტ ფერნანდესი
"ბარსელონას" ყოფილი ტექნიკური დირექტორი რობერტ ფერნანდესი: "ბარსამ", 2003 წელს, კრიშტიანუ რონალდუს შეძენაზე უარი თქვა" [Superdeporte]
ნელსონ სემედუ
ნელსონ სემედუს, "ბარსელონადან" წასვლის შემთხვევაში, ურჩევნია, ინგლისში გადაბარგდეს და არა - იტალიაში. 26 წლის მარჯვენა მცველის პრიორიტეტი პრემიერ ლიგაში თამაშია. [Mundo Deportivo]
მირალემ პიანიჩი
"ჩელსი" პიანიჩისთვის ბრძოლაში ერთვება. ლონდონელები "ბარსელონასა" და "იუვენტუსს" შორის მოლაპარაკებებს აკვირდებიან. თუ "იუვენტუსმა" პიანიჩის სანაცვლოდ არტური ვერ მიიღო, საქმეში "ჩელსი" ჩაერთვება. [Football Espana]
"იუვენტუსმა" "ბარსელონას" ერთ-ერთი სატრანსფერო სამიზნე, მირალემ პიანიჩი "ჩელსის" შესთავაზა. ტურნინელები და ლონდონელები ბოსნიელისა და ჟორჟინიოს ბარტერს განიხილავენ. [Sport]
დანი ოლმო
"ლა მასიელი" დანი ოლმო ოცხადებს: "ბარსელონაში" დაბრუნება? ეს არ მოხდა და არ ვიცი, იდეალური ვარიანტი იქნებოდა თუ არა. პრესაში ბევრი ინფორმაცია გავრცელდა, მაგრამ ხორვატიაში ბედნიერი ვიყავი. ვიცოდი, რომ ადრე თუ გვიან წასვლის დრო მოვიდოდა. "ლაიპციგი" ერთ-ერთი კლუბი იყო, რომელმაც ჩემს მიმართ მეტი ინტერესი გამოიჩინა. ამიტომაც, გერმანიაში გადაბარგება გადავწყვიტე. მშობლიური ქვეყნის ჩემპიონატში თამაში შესანიშნავი იქნებოდა. ლა ლიგა ძალიან კონკურენტუნარიანი და მსოფლიოში საუკეთესო ტურნირია. რატომაც არა?". [Goal]
ედილსონი
ყოფილი ბრაზილიელი ფეხბურთელი, ედილსონი აცხადებს: "ვფიქრობ, ნეიმარსა და მესიზე უკეთესი მოთამაშე ვარ. მათ მუნდიალის მოგება სჭირდებათ, რათა ჩემზე წინ დადგნენ. კრიშტიანუ რონალდუ უბრალოდ ძლიერია, ის ორივე ფეხით კარგად თამაშობს, თუმცა პორტუგალიელზე გამოცდილი ვარ". [ESPN]
ამ სიახლეზე კომენტარები გათიშულია.
კომენტარები [ 3 ]