"იუვენტუსს" ფრენკი დე იონგი სურს, "ბარსელონა" უარზეა
როგორც მოგეხსენებათ, ბოლო დროს, "ბარსელონასა" და "იუვენტუსს" შორის ფეხბურთელების შესაძლო გაცვლის შესახებ ბევრი ინფორმაცია ვრცელდება. Sport-ის ცნობით, ტურინულმა კლუბმა "ბლაუგრანას" ჰოლანიდელი ნახევარმცველის, ფრენკი დე იონგის თაობაზე მიმართა, თუმცა კატალონიელებმა 23 წლის ფეხბურთელის გაშვებაზე მაშინვე უარი თქვეს.
"ბარსელონამ" დე იონგი გასულ ზაფხულში 75 მილიონ ევროდ "აიაქსიდან" დაიმატა. ფრენკის მიმდინარე სადებიუტო სეზონი კატალონიურ გუნდში დამაიმედებელია. მან მხოლოდ ერთი თამაში გამოტოვა. ჰოლანდიელი შუახაზელის ანგარიშზე 37 მატჩი, 2 გოლი და 4 შედეგიანი გადაცემაა.
კატალონიელი ჟურნალისტების ინფორმაციით, "ბარსა" იმედისმომცემ ფეხბურთელთან განშორებას არ აპირებს. უფრო მეტიც, დე იონგი კატალონიურ გუნდში ერთ-ერთ ხელშეუხებელ მოთამაშედ მიიჩნევა. გავრცელებული ცნობებით, კლუბს მასთან დაკავშირებით დიდი გეგმები აქვს.
ამ სიახლეზე კომენტარები გათიშულია.
კომენტარები [ 9 ]