GDS: მირალემ პიანიჩი "ბარსელონაში" თამაშზე თანახმაა
ტურინის "იუვენტუსის" ერთ-ერთი წამყვანი ფეხბურთელი მირალემ პიანიჩი "ბარსელონაში" თამაშზე თანახმაა. ამ ინფორმაციას იტალიური La Gazzetta dello Sport ავრცელებს.
პიანიჩის "ბარსელონაში" გადმოსვლის შესახებ ცნობები პერიოდულად ვრცელდება, ბოლო დროს კი, განსაკუთრებით გააქტიურდა. საუბარია 30 წლის ფეხბურთელის არტურში გაცვლაზე, რასაც "ბებერი ქალბატონის" დირექტორი ფაბიო პარატიჩიც არ უარყოფს.
გავრცელებული ცნობებით, ტრანსფერში არტურის ჩართვა "იუვენტუსის" ინიციატივაა, "ბარსელონა" კი ტურინელებს ივან რაკიტიჩს ან არტურო ვიდალს სთავაზობს. თუმცა, ვრცელდება ცნობები, რომ არტური, კიკე სეტიენის მინიმუმ საამსეზონო გეგმებში არ შედის.
მირალემ პიანიჩი "იუვენტუსში" 2016 წელს, "რომადან" გადავიდა. ტურინელთა მაისურით მან 167 თამაში ჩაატარა და 3 გოლი გაიტანა.
Transfermarkt 30 წლის პიანიჩს 52 მილიონ ევროდ აფასებს, ხოლო 23 წლის არტურს - 56 მილიონად.
ამ სიახლეზე კომენტარები გათიშულია.
კომენტარები [ 12 ]