"ბარსელონა" გვირჩევს - რჩევები მოზარდებსა და მათ მშობლებს
"ბარსელონას" ფონდი (Barça Foundation) მშობლებისა და შვილებისთვის გვთავაზობს რეკომენდაციების სერიას, რომელიც ახალგაზრდებს, ინტერნეტის საშუალებით არასასურველი ხელყოფისგან დაიცავს.
ელექტრონული მოწყობილობების ჯანსაღი ქცევები გოგონებისა და ბიჭებისთვის
- ძილის დროს ელექტრონული მოწყობილობები ახლოს არ იქონიოთ. ამ დროს, ისინი არაფერი გჭირდებათ;
- არასდროს ისარგებლოთ სოციალური ქსელებით ოჯახური სადილის დროს;
- აკონტროლეთ ელექტრონული მოწყობილობებით სარგებლობის დრო და ეცადეთ, არ ისარგებლოთ სოციალური ქსელებით იმაზე დიდხანს, ვიდრე აუცილებელია;
- გახსოვდეთ, რომ საკმარისი დრო არსებობს ყველაფრისთვის: სპორტი, სიცილი, კითხვა, სწავლა, მუსიკა...
ონლაინ უსაფრთოების ნორმები ბიჭებისა და გოგონებისთვის
- ჩართეთ დაცვის ელექტრონული ფუნქციები ყველა იმ აპლიკაციაზე, რომლითაც სარგებლობთ;
- გამორთეთ ან დაფარეთ მობილურის წინა კამერა;
- არასდროს ენდოთ "მიმზიდველ შეთავაზებებსა" და "საჩუქრებს", რომლებიც უცნობი წყაროებიდან მოდის;
- სოციალური ქსელების ყველა პროფილის მონაცემები საიდუმლოდ შეინახეთ;
- არასდროს გაავრცელოთ თქვენი პირადი ინფორმაცია.
ონლაინ პროფილის დაცვა
- იქონიოთ სანდო პაროლი და ხშირად ცვალეთ იგი;
- არასდროს ათხოვოთ თქვენი პირადი ტელეფონი ან სხვა ელექტრონული მოწყობილობა სხვას;
- გეოლოკაციის ფუნქცია (GPS) გამორთული გქონდეთ მაშინ, როდესაც ეს შესაძლებელია;
- დააკონფიგურეთ ყველა ონლაინ პროფილის უსაფრთხოების პარამეტრები.
რა არის "Grooming"?
- ეს არის შემთხვევა, როდესაც სექსუალური ზრახვების მქონე ზრდასრული ადამიანი, სოციალურ ქსელში შექმნილი ფეიქ ექაუნთის საშუალებით, არასრულწლოვან პირებს ეკონტაქტება;
- სოციალური ქსელებით სარგებლობისას, ძალიან მნიშვნელოვანია, რომ არასრულწლოვნებმა უცხო პირები მეგობრებში არასდროს დაიმატონ;
- მშობლები შვილებს უნდა ესაუბრებოდნენ და მათი ონლაინ მეგობრების შესახებ ინფორმაციას ფლობდნენ;
- მშობლები უნდა ამოწმენდნენ, ხომ არ არიან მათი შვილები სახიფათო ონლაინ თამაშებში ჩართულები.
აუბით მხარი შვილებს
- ახლა შესანიშნავი დროა გავეცნოთ იმ ციფრულ სამყაროს, რომელშიც ჩვენი შვილები ცხოვრობენ;
- "იმოგზაურეთ" ინტერნეტში, იქონიეთ კონტაქტი შვილებთან სოციალური ქსელების მეშვეობით და გაიცანით ის ადგილი, სადაც თქვენი შვილები დიდ დროს ატარებენ;
- დაეხმარეთ მათ განსაზღვრონ ის ინტერნეტ რესურსები, რომლებიც მათი ასაკისთვის შეუფერებელია.
როგორ აღვკვეთოთ კიბერბულინგი?
- ბავშვებმა, ინტერნეტში მასალების ატვირთვა/განთავსების დროს, განსაკუთრებული სიფრთხილე უნდა გამოიჩინონ. საუბარია არა მხოლოდ იმ მასალაზე, რომელიც უშუალოდ მათ ეხება;
- ინტერნეტში განთავსებული მასალა არ უნდა იყოს სხვისი ღირსების შემლახველი;
- აუცილებელია, რომ ბავშვების პირადი პროფილები იყოს დაცული, რათა თავიდან აირიდოთ კიბერბულინგი.
გჭირდებათ დახმარება კიბერბულინგის აღსაკვეთად?
- როგორც წესი, კიბერბულინგის მსხვერპლი ბავშვები ამ თემაზე არ საუბრობენ არც მშობლებთან და არც მასწავლებლებთან. შესაბამისად, საჭიროა, ამ საკითხზე მათთან ხშირად ისაუბროთ;
- ბულინგის ფაქტი შეგიძლიათ ინტერნეტ სივრცეში აღკვეთოთ, საჭიროების შემთხვევაში კი, შესაბამის სახელმწიფო ორგანოებს მიმართოთ;
- საჭიროების შემთხვევაში, შეგიძლიათ დაუკავშირდეთ ევროკავშირის ბავშვთა დახმარების ცხელ ხაზს. ცხელი ხაზი მუშაობს ყოველდღე, შაბათ-კვირის გარდა, დილის 10-დან საღამოს 6 საათზე. მომსახურება უფასოა. სურვილის შემთხვევაში, შეგიძლიათ ზარი განახორციელოთ ანონიმურად.
როგორია ჩემი შვილის ციფრული იდენტობა?
- კომპიუტერის ეკრანის წინ გაცილებით მარტივია ისეთი რამის თქმა, რასაც პირისპირ შეხვედრისას ვერ გავბედავდით;
- ასევე მარტივია, იყო ბულინგისა და დამცირების შემყურე;
- ბავშვებს უნდა ავუხსნათ, რომ ყველაფერი, რაც კი ინტერნეტში ხდება, იწერება და მას შეიძლება ჰქონდეს უარყოფითი შედეგებით, მათ შორის, სამართლებრივიც.
რა ტიპის ინფორმაციას ვავრცელებთ ინტერნეტში?
- როგორც კი ჩვენ ვაქვეყნებთ ან ვტვირთავთ ინფორმაციას ინტერნეტში, ჩვენ მასზე კონტროლს ვკარგავთ;
- ეს ინფორმაცია, შესაძლოა, გავრცელდეს ინტერნეტში და მივიდეს იმ ადამიანამდე, რომლისთვისაც მისი გაზიარება არ გვსურს;
- ბავშვებისთვის მნიშვნელოვანია არ გაავრცელონ ინფორმაცია, რომლისაც მათ შერცხვებათ, თუ ეს ინფორმაცია კონკრეტულ ადამიანამდე მიაღწევს.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 1 ]