ტიერი ანრი: გვარდიოლას ფეხბურთი ჭადრაკს ჰგავს
ფეხბურთს ფრანგმა ლეგენდამ, ტიერი ანრიმ, "ბარსელონაში" გატარებული დრო გაიხსენა და განაცხადა, რომ მისთვის "არსენალში" თამაში უფრო ადვილი იყო, ვიდრე კატალონიურ კლუბში.
"არსენალში" იმას ვაკეთებდი, რაც მინდოდა. შემეძლო, ყველგან მეთამაშა შეტევაში, ჩავსულიყავი მოედნის ცენტრში, ამომეტანა ბურთი, გადავსულიყავი მარჯვნივ და მარცხნივ. ლონდონურ კლუბში თამაში ბევრად უფრო ადვილი იყო, რადგან იქ დენის ბერგკამპი და ნვანკუ კანუ იყვნენ. ვერასდროს ვიფიქრებდი, რომ "არსენალს" დავტოვებდი, მაგრამ ეს გავაკეთე.
"ბარსელონაში" სხვა ფეხბურთი იყო. "ბლაუგრანაში" თამაშის ახალ სტილს უნდა შევგუებოდი. ფრანკ რაიკაარდი მხოლოდ მარცხენა ფლანგზე თამაშს მთხოვდა. შემდეგ გვარდიოლა მოვიდა. პეპი, უპირველეს ყოვლისა, საოცარი მწვრთნელია, მაგრამ ის ძალიან მომთხოვნია. მასთან ერთად, ფაქტობრივად, ჭადრაკს თამაშობ", - ციტირებს ანრის სიტყვებს Goal.
ტიერი ანრი "ბარსელონაში" 2007-2010 წლებში ირიცხებოდა.
ამ სიახლეზე კომენტარები გათიშულია.
კომენტარები [ 6 ]