"ბარსელონა" მუზეუმის გახსნას 25 მაისს გეგმავს

Cadena Ser-ის ინფორმაციით, კატალონიის "ბარსელონა" მაისისთვის აპირებს გახსნას კლუბის მუზეუმი, რომელიც გარკვეული შეზღუდვებით იფუნქციონირებს და სექტემბერში ნორმალურ მდგომარეობას დაუბრუნდება.

როგორც ჩანს, "ლურჯ-ბროწეულისფერები" პოსტ-კორონავირუსული პერიოდისათვის ემზადებიან. La Sexta ავრცელებს ცნობებს, რომ დღეიდან კლუბის სავარჯიშო დაწესებულებებში დეზინფექცია ჩატარდება, ზეგიდან კი ფეხბურთელებს კორონავირუსის ტესტები მოუწევთ.

Mundo Deportivo-ს პროგნოზით, "ბლაუგრანა" მუზეუმისა და ოფიციალური მაღაზიის დახურვის გამო, 30 მილიონ ევრომდე იზარალებს.