მესის გოლეადორული რეკორდები
ლიონელ მესის რეკორდების სრულ ჩამონათვალს, ალბათ, დასასრული არ აქვს. Mundo Deportivo გვთავაზობს იმ სარეკორდო მაჩვენებლებს, რომლებიც ლეომ, როგორც ბომბარდირმა, დააფიქსირა.
- ყველაზე მეტი "ოქროს ბუცი" - 6
ლეო ევროპის საუკეთესო ბომბარდირი 6-ჯერ გახდა: 2009/2010 (34 გოლი), 2011/2012 (50), 2012/2013 (46), 2016/2017 (37), 2017/2018 (34), 2018/2019 (36).
- ყველაზე მეტი "პიჩიჩი" - 6
მესიმ ესპანეთის ჩემპიონატის საუკეთესო ბომბარდირის სტატუსი ამავე წლებში მოიპოვა.
- ყველაზე მეტი გოლი ჩემპიონატის ერთ სეზონში - 50
მან ლა ლიგის 2011/2012 წლების სეზონში 50 გოლი შეაგდო, თუმცა უახლოეს მდევარს, კრიშტიანუს რონალდუს, მხოლოდ 4 გოლით გაასწრო.
- ყველაზე მეტი ოფიციალური გოლი ერთ კალენდარულ წელიწადში - 91
2012 წელს მესიმ 69 შეხვედრაში მეტოქეთა კარი 91-ჯერ აიღო და გერდ მიულერის რეკორდი დაამხო.
- ყველაზე მეტი საკლუბო გოლი ერთ სეზონში - 73
2011-2012 წლების სეზონში მესიმ ყველა ტურნირზე ჩატარებულ 60 მატჩში 73 გოლი გაიტანა: 50 ლა ლიგაში, 14 ჩემპიონთა ლიგაზე, 3 სამეფო თასზე, 3 ესპანეთის სუპერ თასზე, 1 ევროპის სუპერ თასზე და 2 მსოფლიოს საკლუბო ჩემპიონატზე.
- ყველაზე მეტი გოლი ესპანეთის ჩემპიონატის ისტორიაში - 438
ამისთვის მას მხოლოდ და მხოლოდ 474 შეხვედრა დასჭირდა (საშუალოდ 0.92 ჰოლი თამაშში).
- ყველაზე მეტი გოლი "ბარსელონას" ისტორიაში - 627
სულ 718 მატჩი (საშუალოდ 0.8).
- ყველაზე მეტი გოლი არგენტინის ნაკრების ისტორიაში - 70
სულ 138 მატჩი (საშუალოდ 0.5).
- ყველაზე მეტი გოლი "ელ კლასიკოში" - 26
მან ისტორიულ დაპირისპირებაში მონაწილეობა 43-ჯერ მიიღო.
სხვა რეკორდები
ერთადერთი ფეხბურთელი, რომელმაც წელიწადში 50 და მეტი გოლი 9-ჯერ გაიტანა.
წელი | გოლი |
2010 | 60 |
2011 | 59 |
2012 | 91 |
2014 | 58 |
2015 | 52 |
2016 | 59 |
2017 | 50 |
2018 | 51 |
2019 | 50 |
მესი ერთადერთი ფეხბურთელია, რომელმაც ჩემპიონთა ლიგის ზედიზედ 15 სეზონში მოახერხა გოლის გატანა, 2005/2006-დან 2019/2020-ის ჩათვლით.
მესიმ ჩემპიონთა ჩემპიონთა ლიგაზე ერთი კლუბის მაისურით ყველაზე მეტი გოლის გატანა შეძლო - 141 შეხვედრაში 114 გოლი (საშუალოდ 0.8).
ამ სიახლეზე კომენტარები გათიშულია.
კომენტარები [ 4 ]