Sport: "ბარსელონა" სემედუ-კანსელუს ბარტერზე თანახმაა
"ბარსელონა" ნელსონ სემედუს "მანჩესტერ სიტის" მარჯვენა მცველში, ჟოაუ კანსელუში გაცვლაზე თანახმაა, თუმცა, ამავდროულად, კატალონიელებს დამატებით თანხაც სურთ.
Diario Sport-ის თანახმად, კატალონიელები "ნელსინიოსთვის" ახალი კონტრაქტოს გაფორმებას განიხილავდნენ, თუმცა მოლაპარაკებები შეჩერებულია. "ბლაუგრანამ" პორტუგალიელის აგენტს განუცხადა, რომ ფეხბურთელთან დაკავშირებით შეათავაზებებს განიხილავს. კლუბი მას 45 მილიონ ევროდ შეელევა, ან ბარტერში ჩართავს.
თავის მხრივ, "ქალაქელთა" რიგებში სემედუს ხილვა პეპ გვარდიოლასაც უნდა, რაც გარიგებას აადვილებს.
ნელსონი "კამპ ნოუზე" მესამე სეზონს ატარებს. იგი "ბარსამ" 2017 წელს "ბენფიკადან" 30.5 მილიონ ევროდ შეიძინა, თუმცა მალევე ძირითადი შემადგენლობის წევრი ვერ გახდა, რადგან სერჟი რობერტოსთან კონკურენცია უწევდა.
მიმდინარე სეზონში სემედუმ, ყველა ტურნირის ეგიდით, 29 მატჩში 5 ასისტი მიითვალა, ჟოაუ კანსელუმ კი - 24 შეხვედრაში 1 გოლი და ამდენივე საგოლე გადაცემა.
ამ სიახლეზე კომენტარები გათიშულია.
კომენტარები [ 8 ]