დავიდ ვილია: ნეიმარის "ბარსელონაში" დაბრუნება შესანიშნავი იქნებოდა

"ბარსელონას" ყოფილი ესპანელი თავდამსხმელი დავიდ ვილია "პარი სენ-ჟერმენის" ბრაზილიელი შემტევის, ნეიმარის კატალონიურ კლუბში დაბრუნებას მიესალმება.

"ნეიმარის "ბარსელონაში" გადასვლა შესანიშნავი იქნებოდა. ის მსოფლიოში ერთ-ერთი საუკეთესოა. ბრაზილიელი ნებისმიერ გუნდს შეეწყობოდა, მაგრამ ნეიმარი ყველაზე კარგად "ბლაუგრანას" მოერგებოდა, სადაც ის ბრწყინვალედ თამაშობდა.

ჩანს, რომ მისი დაბრუნების შესაძლებლობა არსებობს, მაგრამ დღევანდელი მდგომარეობით ეს ადვილი არ იქნება", - ციტირებს ვილიას სიტყვებს Mundo Deportivo.