5 ფეხბურთელი, რომლებიც "ბარსამ" არ უნდა დაკარგოს
რამდენიმე საკმაოდ დიდი რეპუტაციის მქონე გამოცემა, მათ შორის ESPN და RAC1, იტყობინება, რომ "ბარსელონას" ხელმძღვანელობამ თითქმის ყველა ფეხბურთელის დაყენება გადაწყვიტა სატრანსფერო ფანჯარაზე, იმისათვის რომ ზაფხულისთვის საჭირო ფინანსური რესურსების მობილიზება შეძლოს.
ამ ინფორმაციის გამჟღავნების გამო, ჩვენ იმ 5 ფეხბურთელს გთავაზობთ, რომელთა გაყიდვაც კატალონიური კლუბისათვის დაუშვებელია.
ანსუ ფატი
გადამეტებული არ იქნება იმის თქმა, რომ ფატი "ლა მასიის" ყველაზე ნიჭიერი ტალანტია გასული 5 წლის განმავლობაში. ამ სეზონში გატანილი 5 გოლით ის "კამპ ნოუს" მომავალ მხსნელადაც შეიძლება იქნეს მიჩნეული. "ბარსას" ნამდვილად არ აქვს იმის უფლება, რომ ასეთი იმედისმომცემი ფეხბურთელი გუნდიდან გაუშვას.
მარკ-ანდრე ტერ შტეგენი
გოლკიპერი, ეჭვგარეშეა, რომ ლიონელ მესის შემდეგ საუკეთესო ფეხბურთელია კატალონიელთა რიგებში. ის უნაკლოდ თამაშობდა, რითაც "ბარსელონას" არასტაბილური დაცვის უამრავი შეცდომის გამოსწორება მოახერხა. მის გარეშე გუნდი გაცილებით მეტ გოლს გაუშვებდა. არც გერმანელი არაა ისეთი, ფეხბურთელი, რომლის მომავალიც კატალონიურ კლუბში კითხვის ნიშნის ქვეშ უნდა დაგდეს.
არტურ მელო
ბრაზილიელი "ბარსას" ნახევარდაცვას პირველივე დღიდან იდეალურად მოერგო. მოედნის ცენტრში თამაშისას იგი ჩავის სტილის მსგავსი მახასიათებლებით გამორჩევა. "ბარსამ" აუცილებლად უნდა შეინარჩუნოს ის ფეხბურთელი, რომელიც ჩავის თქმითაც კი გუნდის ნახევარდაცვის უმნიშვნელოვანესი ნაწილია.
სერხიო ბუსკეტსი
გუნდი ტვინის გარეშე დარჩება. არცერთ ფეხბურთელს არ შეუძლია ამჟამად, მისცეს "ბარსელონას" ის, რასაც ამას ლეგენდარული ესპანელი ახერხებს. დაცვის დახმარების გარდა, ნახევარდაცვის კონტროლი მისი საუკეთესო თვისებაა. ასევე ის შესანიშნავ სამსახურს უწევს ამომავალ ვარსკვლავებს, რომლებმაც მომავალში "ბარსას" ნახევარდაცვაზე კონტროლი სრულად უნდა გადაიბარონ.
ფრენკი დე იონგი
"ბარსამ" ნახევარმცველში უზარმაზარი პოტენციალი დაინახა, რამაც კატალონიელებს ჰოლანდიელის შეძენისკენ უბიძგა. ის "კამპ ნოუზე" ნამდვილად ბრწყინავს, მისი ტალნტი კი ჯერ საბოლოოდ არაა გამომჟღავნებული. ფრენკის სრული პოტენციალი აქვს იმისა, რომ ფეხბურთის ისტორიაში ერთ-ერთი საუკეთესო ნახევარმცველი გახდეს.
ამ სიახლეზე კომენტარები გათიშულია.
კომენტარები [ 7 ]