ტამი აბრაჰამი - "ბარსას" გეგმა B
"ბარსელონა" ახალ თავდამსხმელს ეძებს, რომელიც ლუის სუარესის ჩანაცვლებას სრულფასოვნად შეძლებს. "ბლაუგრანაში" არა მარტო გოლების კარგი გამტანი, არამედ ახალგაზრდა და მოედნის მთელ ნაწილზე კარგად მოთამაშე ფეხბურთელი სჭირდებათ.
კატალონიურ კლუბს ლაუტარო მარტინესის ტრანსფერი თითქმის დაკვნით ფაზაში ჰყავს მიყვანილი, თუმცა "ნერაძურის" ხელმძღვანელობას არგენტინელის დათმობა 111 მილიონ ევროდაც ეძნელება. შესაბამისად, "ბარსამ" ალტერნატიულ ვარიანტებზეც უნდა იფიქროს.
Mundo Deportivo-ს ცნობით, ტიმო ვერნერის, ალექსნადრ ისაკის, ჯონათან დევიდისა და ვიქტორ ოსიმჰენის გარდა, ბარსას ალტერნატიულ გეგმა B-ში ტამი აბრაჰამიც შედის.
აბრაჰამმა ლუის სუარესის მოწონება სეზონის სტარტზევე დაიმსახურა, როდესაც გუნდს გატანილი გოლების რაოდენობის მხრივ ულიდერა და ""ლურჯების"" 9 ნომრების წყევლა დაძლია. "ბარსას" გარდა მის მიამრთ სხვა კლუბების ინტერესიც იმის მანიშნებელია, რომ ინგლისელი საკმაოდ მაღალი დონის ფორვარდი და ამასთანავე დიდი ტალანტია.
ყოველივე ზემოთ აღნიშნული, რა თქმა უნდა, არაა იმის გარანტია, რომ ტამი "ჩელსის" დატოვებს. პირიქით, "ლურჯები" მის შენარჩუნებას მაქსიმალურად ეცდებიან და კონტრაქტის გახანგრძლივებაზეც იზრუნებენ. 22 წლის თავდამსხმელს მიმდინარე ხელშეკრულება 2022 წელს ეწურება. მომავალში ინგლისელებს მისი გუნდში დატოვება საკმაო ანაზღაურების საფასურად მოუწევთ.
ამ სიახლეზე კომენტარები გათიშულია.
კომენტარები [ 9 ]