კრუიფის გაკვეთილი გვარდიოლას
პეპ გვარდიოლა, კარიერის დასაწყისში, დაცვაში კარგი თამაშით არ გამოირჩეოდა, მაგრამ კრუიფის რჩევების შემდეგ, ის თავის პოზიციაზე, ერთ-ერთი საუკეთესო გახდა.
ლეგენდარული ჰოლანდიელი, გვარდიოლას 1990 წლიდან 1996 წლამდე წვრთნიდა. კრუიფი ერთ-ერთ ინტერვიუში ხსნის, თუ როგორ დაიწყო გვარდიოლას ცვლილება.
"გვარდიოლა ტექნიკურად იდეალურად იყო მომზადებული, ძალიან კარგი მოედნის ხედვა ჰქონდა, ამ მხრივ არანაირი პრობლემა არ ყოფილა." - ამბობს კრუიფი Aspire Event-თან, 2015 წლის ინტერვიუში.
"მაგრამ ის თამაშობდა იმ პოზიციაზე, სადაც თავდაცვა არის საჭირო, ამიტომ მე მას ვკითხე: შეგიძლია თავი დაიცვა?"
"არც მე ვარ მცველი, თუ მთელი ამ სივრცის დაცვა მევალება, მაშინ მე ძალიან ცუდი მცველი ვარ, მაგრამ თუ ამის დაცვა მევალება (ანიშნებს მაგიდაზე) მაშინ საუკეთესო ვარ!"
კრუიფი საუბრობდა ზონური დაცვის პრინციპებზე, სადაც ფეხბურთელს კონკრეტული სივრცის დაცვა უწევს და არა, რომელიმე მეტოქის მთელ მოედანზე დევნა.
"საუბარი არ არის იმაზე, კარგი მცველი ხარ თუ ცუდი, საუბარია იმაზე, რომ კონკრეტული მონაკვეთი დაიცვა, ამიტომ გვარდიოლას ვუთხარი: ბურთით საუკეთესო ხარ, მაგრამ როცა უბურთოდ ვრჩებით, ვალდებული ხარ სივრცე აკონტროლო, დაცვა არ ნიშნავს იმას, რომ ვიღაცას ფეხში ჩაარტყა, ან ბურთის მოსაპოვებლად თავდაუზოგავად ირბინო, დაცვა ნიშნავს იმას, რომ კონკრეტულ მონაკვეთს სრულად აკონტროლებდე."
ამ სიახლეზე კომენტარები გათიშულია.
კომენტარები [ 4 ]