"ბარსელონამ", შესაძლოა, სეზონი სარეზერვო გუნდის სტადიონზე დაასრულოს
"ბარსელონასთვის" ლა ლიგაში დარჩენილი 11 მატჩი, რომლებიც, დიდი ალბათობით, ზაფხულში, მაყურებლების გარეშე ჩატარდება, შესაძლოა, "კამპ ნოუს" ნაცვლად იოჰან კრუიფის სტადიონზე გაიმართოს - ამ ინფორმაციას Daily Mail ავრცელებს.
კლუბში ფიქრობენ, რომ ცარიელ დიდ არენაზე თამაში ფეხბურთელებზე უარყოფით ფსიქოლოგიურ გავლენას მოახდენს და უმჯობესი იქნება, თუ ისინი გაცილებით მცირე ზომის სტადიონს გამოიყენებენ. ტიტულისთვის ბრძოლაში "ბარსას" მთავარი კონკურენტის, მადრიდის "რეალის" ხელმძღვანელებიც იგივე აზრზე არიან და "სანტიაგო ბერნაბეუს" ნაცვლად სარეზერვო გუნდის მინდორზე თამაშს აპირებენ.
"ესტადი იოჰან კრუიფი" სეზონის სტარტზე გაიხსნა და სულ 6 000 მაყურებელს იტევს. ამ მოედანზე "ბარსა ბ-სა" და "ბარსელონას" ქალთა გუნდის მატჩები იმართება.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 2 ]