რივალდო გრიზმანზე: "ბარსელონამ" ცოტა უნდა მოითმინოს
"ბარსელონას" ლეგენდამ, რივალდომ Betfair-თან ინტერვიუში კომენტარი გააკეთა გუნდის ფრანგ შემტევზე, ანტუან გრიზმანზე, რომელიც კატალონიურ კლუბში სადებიუტო სეზონს ატარებს.
ბოლო დროს 29 წლის თავდამსხმელის "ბლაუგრანადან" წასვლაზე ბევრი იწერება. გავრცელებული ცნობებით, "ბარსამ" გრიზმანი, შესაძლოა, ლაუტარო მარტინესის ან ნეიმარის ტრანსფერში ჩართოს, თუმცა რივალდო მიიჩნევს, რომ ანტუანი კლუბში უნდა დარჩეს.
"მჯერა, რომ "ბარსას" ხელმძღვანელობა გრიზმანს უკეთ ათამაშებისთვის მეტ დროს მისცემს.
იტალიაში ანტუანს უფრო გაუჭირდებოდა. ვფიქრობ, მისი მომავალი ლა ლიგაშია, სადაც ის კარგადაა ადაპტირებული და მზადაა, თავისი საუკეთესო თამაში რეგურალურად აჩვენოს.
"ბარსელონას", უბრალოდ, ცოტა მოთმინება სჭირდება იმისათვის, რომ მან მეტი ნდობა მოიპოვოს და საკუთარ თავზე უფრო მეტი აიღოს".
ანტუან გრიზმანმა მიმდინარე სეზონში 37 მატჩი ჩაატარა, 14 გოლი გაიტანა და 4 შედეგიანი გადაცემა გააკეთა.
ამ სიახლეზე კომენტარები გათიშულია.
კომენტარები [ 2 ]