ტერ შტეგენის კონტრაქტზე მუშაობა გრძელდება
"ბარსელონა" აგრძელებს ტერ შტეგენის კონტრაქტზე მუშაობას. მცირე ხნის წინ, გავრცელდა ინფორმაცია, რომ გერმანელის გადაბირებას "ბაიერნი" ეცდება და ამ ტრანსფერს, ლეგენდარული ოლივერ კანი კურირებს, მაგრამ "ბარსას" სხვა გეგემები აქვს.
ტერ შტეგენი მსოფლიოს ერთ-ერთ საუკეთესო მეკარედ მიიჩნევა. ბევრი ანალიტიკოსის აზრით უკვე საუკეთესოა და გერმანიის ნაკრების პირველი ნომრის მორგებაც მხოლოდ დროის ამბავია.
"ბაიერნი" კი მიჩვეულია იმას, რომ ნაკრების მთავარი მეკარე, აუცილებლად მათი კარის დარაჯი უნდა იყოს. ეს გერმანული პრესტიჟის ამბავია.
თუმცა, ყველაფერი ძალიან რთულად რომ იქნება, ამას ისიც მოწმობს, რომ "ბავარიელებმა" უკვე გადაიბირეს "შალკეს" მეკარე - ალექსანდრ ნიუბელი. ეცდებიან, რომ გაზრდილი კონკურენციის შედეგად, მანუელ ნოიერმა ფორმა აღიდგინოს.
"ბარსა" კი ახლოს არის შტეგენთან შეთანხმების მისაღწევად, მაგრამ ყველა ხვდება, რომ ეს საკმაოდ ძვირი სიამოვნება იქნება.
ამ სიახლეზე კომენტარები გათიშულია.
კომენტარები [ 4 ]