კოუტინიო-კანტეს შესაძლო ბარტერი
"ბარსელონა" სატრანსფერო პერიოდში ნახევარდაცვის გაძლიერებასაც ეცდება, გამომდინარე იქიდან, რომ ივან რაკიტიჩის და არტურო ვიდალის წასვლა თითქმის გადაწყვეტილია. გუნდს ცენტრალურ ზონაში ტექნიკური ფეხბურთელები რჩება, მაგრამ მეტი აგრესიულობის შესაძენად ახალი სამიზნეა საჭირო.
კანტე ის ფეხბურთელია, რომელიც მოედანზე დაუღალავად შრომობს, მშვენიერი ტექნიკური შესაძლებლობები აქვს და არც აგრესია აკლია. 29 წლის ფრანგის გადმობირება, "ბარსელონას" ნამდვილად გააძლიერებს.
კორონავირუსის მოტანილი კრიზისიდან გამომდინარე, სულ უფრო რეალური ხდება, რომ მომავალ სატრანსფერო პერიოდში, გაცილებით მეტი ბარტერი შედგება, ვიდრე აქამდე ხდებოდა. "ბარსამ" ჯერ კიდევ მიმდინარე სეზონში განახორციელა ბარტერი, როცა სილესენი, ნეტოში გაცვალა.
"ბარსელონას" ჰყავს ძვირფასი ფეხბურთელი, რომელსაც კლუბში დაბრუნება არ სურს და ამავე დროს პრემიერ ლიგაში დაბრუნების სურვილს გამოთქვამს. ეს ფეხბურთელი ფილიპე კოუტინიოა.
კოუტინიომ ჯერ ვალვერდეს ხელში იწვალა, მერე "ბაიერნში" გადაბარგდა, მაგრამ ფეხი ვერც იქ მოიკიდა. აშკარად ჩანს, რომ ბრაზილიელმა თვითრწმენა დაკარგა და როცა ასეთი რამ ხდება, როგორც წესი ვარსკვლავები სასურველ ფორმას ვეღარ იბრუნებენ. მისი გამოსასყიდი თანხა "ბაიერნისთვის" 120 მილიონია, რომელსაც გერმანელები არ გადაიხდიან. ხოლო პრემიერ ლიგის კლუბებისთვის, გამოსასყიდ თანხად 80 მილიონ ევროს ასახელებენ.
ინგლისელებს კარგად ახსოვთ, "ლივერპულში" მოთამაშე კოუტინიო და იმედი აქვთ, რომ იგივე დონეზე ათამაშდება, სწორედ ამიტომ მას მსურველები არ აკლია, "ტოტენჰემის", "ლესტერის", "მანჩესტერ უნაიტედის" და რა თქმა უნდა "ჩელსის" სახით.
"ბარსა" სიტუაციის სათავისოდ გამოყენებას ეცდება. მართალია საყრდენ ზონაში სერხიო ბუსკეტსი ჰყავთ და ამ პოზიციაზე, ფრენკი დე იონგსაც უპრობლემოდ შეუძლია თამაში, მაგრამ კანტე საუკეთესო ფეხბურთელია, რომელიც კოუტინიოს სანაცვლოდ შეიძლება მიიღო. იმის გათვალისწინებით, რომ "ინტერი" არ აპირებს კოუტინიოს, ლაუტაროს ტრანსფერში ჩართვას და არც თავად ბრაზილიელს სურს, მილანში, ან პარიზში გადაბარგება.
თუ მსოფლიო ჩემპიონის გადმობირება ვერ მოხერხდა, "ბარსა" სათადარიგო ვარიანტად, ნდომბელეს განიხილავს.
ამ სიახლეზე კომენტარები გათიშულია.
კომენტარები [ 10 ]