ლაუტარო მხოლოდ ძირითადისთვის გადმოვა
Mundo Deportivo-ს ინფორმაციით, ლაუტარო მარტინესი დარწმუნებული არაა, რომ "ბარსელონაში" გადასვლა კარიერულად სწორი ნაბიჯი იქნება. არგენტინელს გარანტირებული ადგილი უნდა თერთმეტეულში, თუმცა ხვდება, რომ ლუის სუარესთან კონკურენცია მარტივი არ იქნება.
თუ კატალონიელები მას ძირითადის ადგილს არ დაჰპირდებიან, ლაუტარო "ნერაძურიში" დარჩება ან სხვა კლუბში გააგრძელებს კარიერას. მისით დაინტერესებულნი პსჟ, "მანჩესტერ იუნაიტედი" და "ჩელსი" არიან.
ლაუტაროს დიდი ხანია "ბარსას" უკავშირებენ. კატალონიური კლუბი მისი გამოსასყიდი თანხის, 111 მილიონი ევროს, შემცირებას ცდილობს. მათ ტრანსფერში რამდენიმე ფეხბურთელის ჩართვაც სურთ.
ამასთანავე, ლაუტაროს მეორე აგენტმა, ბეტო იაკემ მსურველ გუნდებს ანიშნა პოტენციური კლუბი, სადაც თავდამსხმელს კარიერის გაგრძელება სურს. ამის დასადასტურებლად Marca-მ სწორედ მისი სიტყვები მოიშველია: "ვინ არ ისურვებდა მესისთან ერთად თამაშს?"
მიმდინარე სეზონში 22 წლის ფორვარდმა ყველა ტურნირზე ერთად 16 გოლი გაიტანა და 4 საგოლე გადაცემა შეასრულა.
ამ სიახლეზე კომენტარები გათიშულია.
კომენტარები [ 5 ]