სად გააგრძელებს კარიერას ვიდალი?
არტურო ვიდალის მომავალთან დაკავშირებით ჭორები კვლავ არ წყდება.
FOX Sports-ის ინფორმაციით, ჩილელი, "ბარსელონას" დატოვების შემთხვევაში, კარიერას მხოლოდ "ინტერში" გააგრძელებს, იმისდა მიუხედავად, რომ მისდამი ინტერესს ჩინური კლუბებიც იჩენენ.
როგორც ჭორები ვრცელდება, "ბაიერნის" ყოფილმა ვარსკვლავმა ჩინეთის სუპერ ლიგიდან საკმაოდ სარფიანი შეთავაზება უკვე მიიღო. თუმცა, არტურო ვიდალს მაღალ დონეზე თამაში კვლავ სურს და მზადაა მილანურ კლუბში გადავიდეს, იმ შემთხვევაში, თუ ამ ზაფხულს "ბარსას" დატოვება მოუწევს.
"ინტერს" ჩილელის დამატება იანვარშიც სურდა, თუმცა კატალონიურმა კლუბმა ტრანსფერი დაბლოკა, რადგანაც შეთავაზების პირობები მიუღებელი იყო.
აღნიშნული ტრანსფერის ირგვლივ არსებული კითხვები, დიდი ალბათობით, ამ ზაფხულში გაქრება, ვინაიდან, "ბლაუგრანას", ფრენკი დე იონგის, სერხიო ბუსკეტსისა და არტურის სახით, სრულყოფილი და შესაბამისი დონის ნახევარდაცვა უკვე ჰყავს.
ვიდალი "ბარსას" ლაუტაროს ტრანსფერისათვისაც შეიძლება გამოადგეს.
ნახევარმცველი ვარჯიშს სახლში, პირად მწვრთნელთან, ხუან ფერნანდესთან, ერთად აგრძელებს.
"ბარსელონას" რიგებში ამ სეზონში მან 30 მატჩი ჩაატარა.
ამ სიახლეზე კომენტარები გათიშულია.
კომენტარები [ 4 ]