Sport: ვილიანმა "ბარსელონას" საკუთარი თავი შესთავაზა
Diario Sport-ის ინფორმაციით, ლონდონის "ჩელსის" ბრაზილიელმა შემტევმა, ვილიანმა "ბარსელონას" საკუთარი თავი შესთავაზა.
ცნობილია, რომ კატალონიელებს სხვა გეგმები აქვთ, ამიტომაც 31 წლის ვარსკვლავი უარით გაისტუმრეს. "ბლაუგრნა" შეტევის გაძლიერებას ახალგაზრდა ფეხბურთელებით აპირებს.
გარდა ამისა, წყარო დასძენს, რომ "ბარსა" ბრაზილიელი მოთამაშის პირობებმაც, რომელიც 3-წლიან კონტრაქტსა და მაღალ ხელფასს ითხოვს, არ დააკმაყოფილა.
ვილიანით "ტოტენჰემი" და "პარი სენ-ჟერმენიც" ინტერესდებიან, მაგრამ, თუ "ბარსელონა" პრიორიტეტულ სატრანსფერო სამიზნეებს ვერ გაიფორმებს, ის, შესაძლოა, მაინც კატალონიაში აღმოჩნდეს.
ამ სეზონში, "ლურჯების" რიგებში, ვილიანმა 37 მატჩში 7 გოლი და 6 ასისტი მიითვალა. ბრაზილიელს როგორც შემტევ ნახევარმცველად, ისე მარცხენა და მარჯვენა გარემარბად თამაში შეუძლია. Transfermarkt-ი 31 წლის შემტევს 28 მილიონ ევროდ აფასებს.
ამ სიახლეზე კომენტარები გათიშულია.
კომენტარები [ 5 ]