"ბარსელონელები" და "ქაღალდის სახლი"
პოპულარული ესპანური სერიალი La Casa de Papel-ის, ქართულად ცნობილი, როგორც "ქაღალდის სახლის" მსახიობმა, დარკო პერიჩმა, იგივე "ჰელსინკიმ", რომელიც "ბარსელონას" დიდი თაყვანისმცემელია, "ბლაუგრანაზე" ისაუბრა და კატალონიური კლუბის ფეხბურთელები სერიალის პერსონაჟებთან გააიგივა.
"ივან რაკიტიჩს, ანტუან გრიზმანსა და უსმან დემბელეს პირადად ვიცნობ. არტურო ვიდალს შევხვედრივარ. მე და ივანმა ერთი და იმავე ენაზე ვისაუბრეთ, თუმცა ის ხორვატია, მე კი სერბი ვარ.
"კამპ ნოუზე" მიმდინარე სეზონში "ბარსა"-"დორტმუნდის" თამაშს დავესწარი. ამ სტადიონზე მხოლოდ ერთხელ ვარ ნამყოფი. იქ დიდი სიამოვნებით დავბრუნდებოდი. "ნაპოლისთან" მატჩზე დასწრებას ვაპირებდი.
ფეხბურთის დიდი გულშემატკივარი არ ვარ, მაგრამ ვიცი, რომ ყველაფერი კარგად მიდიოდა და "ბარსელონა" ესპანეთის ჩემპიონატის ცხრილის სათავეში იმყოფება.
ლიონელ მესი "პრფესორი" იქნებოდა, რადგან ლეო, მის მსგავსად, წყნარია. ანტუან გრიზმანი "დენვერი" იქნებოდა, ლუის სუარესი - "ტოკიო", ივან რაკიტიჩი - "ბერლინი", ჟერარ პიკე - "ჰელსინკი". არტურო ვიდალი, გარეგნობის გამო, ვფიქრობ, ბანდას შესანიშნავად მოერგებოდა", - ციტირებს დარკო პერიჩის სიტყვებს "ლურჯ-ბროწეულისფერთა" ოფიციალური ვებგვერდი.
ამ სიახლეზე კომენტარები გათიშულია.
კომენტარები [ 4 ]