"ბარსელონა" "რეალის" ტალანტით დაინტერესდა
"ბარსელონამ" თვალი მადრიდის "რეალის" 19 წლის შემტევ ნახევარმცველს, სეზარ ჟელაბერტს დაადგა. ამ ინფორმაციას AS ავრცელებს.
სეზარ ჟელაბერტი ამჟამად "ბლანკოსის" სარეზერვო გუნდში თამაშობს. მადრიდელი ჟურნალისტების ცნობით, ახალგაზრდა ფეხბურთელის შეძენით დაინტერესდა "ბარსელონა", რომელიც ესპანელ მოთამაშეს 2015 წლიდან აკვირდება, იმ დროიდან, როდესაც ის ჯერ კიდევ "ერკულესში" ირიცხებოდა.
იგივე წყარო იტყობინება, რომ "რეალის" ამომავალი ვარსკვლავის შეძენის სურვილს "მანჩესტერ იუნაიტედი", "არსენალი", "ლიონი", "დორტმუნდი", "სარაგოსა" და "ვალიადოლიდიც" გამოთქვამენ. გავრცელებული ინფორმაციით, ნიჭიერი შუახაზელისთვის ბრძოლაში ფავორიტი ლონდონური კლუბია.
სეზარ ჟელაბერტს მადრიდულ კლუბთან მოქმედი კონტრაქტის ვადა 2021 წელს ეწურება. "თეთრები" ესპანელ ფეხბურთელთან ხელშეკრულების გახანგრძლივებას ჩქარობენ.
ამ სიახლეზე კომენტარები გათიშულია.
კომენტარები [ 4 ]