GDS: ლაუტარო "ინტერს" მხოლოდ "ბარსელონას" გამო დატოვებს

მილანური La Gazzetta dello Sport ნაწილობრივ იზიარებს კატალონიური Sport-ის მოსაზრებას, რომლის თანახმადაც, ლაუტარო მარტინესს კარიერის "ბარსელონაში" გაგრძელების ვარიანტი ხიბლავს.

იტალიური გამოცემის ცნობით, არგენტინელ შემტევს "ინტერის" პროექტი მოსწონს და ერთადერთი გუნდი, რომლის გამოც ის "ნერაძურის" დატოვებს, სწორედ "ბარსელონაა".

მარტინესის ეს სურვილი გასაკვირი სულაც არაა - ლეო მესისთან ერთად თამაში ვის არ უნდა.

დრეს გავრცელებული ინფორმაციით, "ინტერი" მზადაა ლაუტაროს ფასი დააკლოს.