"ბარსელონა" 19 წლის ბრაზილიელს იმატებს

კატალონიური Sport-ის ინფორმაციით, "ბარსელონამ" ბრაზილიურ "სან პაულუსთან" 19 წლის თავდამსხმელის, გუსტავო მაიას ტრანსფერი შეათანხმა.

წყაროს ცნობით, "სან პაულუს" ხელმძღვანელობა აცხადებს, რომ "ბლაუგრანამ" ბრაზილიელ ტალანტში 1 მილიონი ევრო უკვე გადაიხადა, თანხის დანარჩენ ნაწილს, 3.5 მილიონს კი კატალონიელები 30 ივნისამდე გადაიხდიან.

გუსტავო ბრაზილიის მომავალ ვარსკვლავად ითვლება. ის "სან პაულუს" 2014 წელს 13 წლის ასაკში შეუერთდა. მაია მემარჯვენე, მაგრამ ის ძალიან ტექნიკურია და მარცხენა ფეხსაც შესანიშნავად იყენებს. მას შეტევაში ნებისმიერ პოზიციაზე თამაში შეუძლია, მაგრამ გუსტავო თავს ყველაზე კომფორტულად გარემარბად გრძნობს.

გუსტავო მაიამ მიმდინარე სეზონში "სან პაულუს" ახალგაზრდულ გუნდებს შორის თასის გათამაშებაში მიიღო მონაწილეობა და 7 მატჩში 3 გოლი გაიტანა. მან გასულ სეზონში ბრაზილიის ახალგაზრდულ ნაკრებებშიც ითამაშა.