"ბარსელონა" დარწმუნებულია, რომ "ბაიერნი" კოუტინიოს არ გამოისყიდის
"ბარსელონას" ხელმძღვანელობა დარწმუნებულია, რომ მიუნხენის "ბაიერნი" ფილიპე კოუტინიოს, სეზონის ბოლოს, არ გამოისყიდის.
ბავარიელებმა ბრაზილიელი გასულ ზაფხულში, ერთწლიანი იჯარით, 120 მილიონ ევროდ გამოსყიდვის უფლებით აიყვანეს.
კატალონიელები თანახმა იქნებიან 27 წლის მოთამაშე 90 მილიონად გაუშვან, თუმცა როგორც ფეხბურთელის წარმომადგენლებმა, ისევე კლუბის ხელმძღვანელობამაც იცის, რომ "ბაიერნი" კოუტინიოს არ შეინარჩუნებს, იტყობინება Diario Sport.
"ლურჯ-ბროწეულისფერებს" ბრაზილიელი ნახევარმცველის გაყიდვა სურთ, მაგრამ არავინ არაა მზად მასში ზემოხსნებული თანხა გადაიხადოს. წყაროს ინფორმაციით, "ბარსელონა" ზაფხულში მზად იქნება კოუტინიო იჯარით კიდევ ერთხელ გაუშვას.
არსებობს იმის ალბათობა, რომ ფილიპე ინგლისის პრემიერ-ლიგაში დაბრუნდეს, სადაც "ბარსელონაში" გადასვლამდე ის "ლივერპულის" ღირსებას იცავდა.
ამ სიახლეზე კომენტარები გათიშულია.
კომენტარები [ 5 ]