ტრავმიანობას მხოლოდ 3 ფეხბურთელი გადაურჩა

კატალონიის "ბარსელონა" ამჟამად პრიმერა დივიზიონის სატურნირო ცხრილს ლიდერობს. მიუხედავად ამისა, რთულია ვთქვათ, რომ "ბლაუგრანასათვის" სეზონი იდეალურად მიდის.

გთავაზობთ Diario AS-ის მიმოხილვას:

• ტრავმებმა ამ სეზონში "ბარსელონა" სულ მცირე 3-ჯერ აზარალა;

• მიმდინარე სეზონში სულ მცირე 16 მოთამაშეს მოუწია, დაზიანების ან ავადმყოფობის გამო რაღაც პერიოდი გაეცდინა;

• ანტუან გრიზმანი, ფრენკი დე იონგი და ივან რაკიტიჩი ის ფეხბურთელები არიან ამ სეზონში, რომლებსაც დაზიანება არ მიუღიათ;

• ფეხბურთელები, რომელმაც ყველაზე მეტი მატჩი გამოტოვეს ამ სეზონში - უსმან დემბელე (35), ლუის სუარესი (26), ჟორდი ალბა (12).

• სუარესს, დემბელესა და ნეტუს ოპერაციის გაკეთება დასჭირდათ. ფრანგი კლუბს აგვისტომდე ემშვიდობება. რაც შეეხება ურუგვაელს, მისი რეაბილიტაცია შესანიშნავად მიდის და, შესაძლოა, სამხრეთ ამერიკელი აპრილის ბოლოს დაბრუნდეს;

• გარდა ამისა, ლეო მესი ერთი თვეა დისკომფორტით თამაშობს;

• კორონავირუსი შესაძლებლობას მისცემს ბევრ ფეხბურთელს, სეზონის დარჩენილს ნაწილს ჯანმრთელი შეხვდეს.